Цхинвайлаг скъоладзаутæ æмæ кадеттæ стох кодтой интеллектуалон хæсты

© Наталья АйриянЦхинвайлаг скъоладзаутæ æмæ кадеттæ стох кодтой интеллектуалон хæсты
Цхинвайлаг скъоладзаутæ æмæ кадеттæ стох кодтой интеллектуалон хæсты - Sputnik Хуссар Ирыстон
Рафыссын
Дыккæгæм скъолайы ахуыргæнинæгтæ æмæ кадетон ахуыргæнæндæтты курсанттæ райстой хайад 23 февралæн нывонд хиирхæфсæн ерысы

ЦХИНВАЛ, 26 фев — Sputnik, Уалыты Диана. Фыдыбæстæ хъахъхъæнæджы боны цытæн Сывæллæтты республикон библиотекæйы ауагътой интеллектуалон æмæ спортивон хъæзтытæ, цы ран хайад райстой командæ "Митын фыранк" (№2-æм скъола) æмæ командæ "Ирæттæ размæ" (Кадетон скъола). Сывæллæттæ ерыс кодтой æфсæддон къабазы, дзуапп кодтой уыци-уыциутæн æмæ хайад истой спортивон ерысты.

© Наталья АйриянЦхинвайлаг скъоладзаутæ æмæ кадеттæ стох кодтой интеллектуалон хæсты
День защитника Отечества в детской библиотеке - Sputnik Хуссар Ирыстон
Цхинвайлаг скъоладзаутæ æмæ кадеттæ стох кодтой интеллектуалон хæсты

Дыууæ командæ дæр активонæй дзуапп дæттой фарстытæн æмæ хайад истой конкурсты, фæлæ жюрийы скъуыддзагмæ гæсгæ уæлахиздзау ссис Кадетон скъолайы курсантты командæ – "Ирæттæ размæ".

© Наталья АйриянЦхинвайлаг скъоладзаутæ æмæ кадеттæ стох кодтой интеллектуалон хæсты
День защитника Отечества в детской библиотеке - Sputnik Хуссар Ирыстон
Цхинвайлаг скъоладзаутæ æмæ кадеттæ стох кодтой интеллектуалон хæсты

Уæлахизы фæдыл сывæллæттæн раарфæ кодта Хуссар Ирыстоны культурæйы министры хæдивæг Дзеранты Джульетта, кæцы раппæлыд хайадисджытæй иттæг хорз хъазты тыххæй.

"Мах зæрдиагæй нысан кæнæм Фыдыбæстæ хъахъхъæнæджы бон, уымæн æмæ сæрыстыр стæм нæ хъайтартæй – Ирыстоны хъæбатыр фырттæй. Мæ хъуыдымæ гæсгæ, ам цы фæсивæд ис, уыдон дæр бахъомыл уыдзысты хорз æмæ аккаг адæмæй, кæцытæ бахъуыды рæстæджы слæудзысты сæ Райгуырæн бæстæ бахъахъхъæнынмæ. Бузныг мæ фæнды зæгъын организатортæн æмæ хайадисæг сывæллæттæн алæмæттаг бæрæгбоны тыххæй, алцыдæр уыд иттæг хорз", — загъта уый.

Конкурсты æхсæнты сфæлдыстадон номыртæ æвдыстой цхинвайлаг скъоладзаутæ, кæцытæ кастысты æмдзæвгæтæ æмæ æххæст кодтой æфсæддон зарджытæ.

© Наталья АйриянЦхинвайлаг скъоладзаутæ æмæ кадеттæ стох кодтой интеллектуалон хæсты
День защитника Отечества в детской библиотеке - Sputnik Хуссар Ирыстон
Цхинвайлаг скъоладзаутæ æмæ кадеттæ стох кодтой интеллектуалон хæсты

Мадзалы кæрон библиотекæйы директор Джиоты Алла алкæмæн дæр раарфæ кодта бæрæгбоны цытæн æмæ дыууæ командæйы хайадисджытæн дæр балæвар кодта зæрдылдарæн призтæ æмæ грамотæтæ.

Ног хабӕртты лентӕ
0