Цхинвалы ног аргъуаны ауагътой Кемеровойы трагедийы амæттæгты номыл панихидæ

© Sputnik / Фатима ПлиеваМардмысæн службæ
Мардмысæн службæ - Sputnik Хуссар Ирыстон
Рафыссын
Райсомæй мардмысæн службæ ацыд Цхинвалы Мад Майрæмы аргъуаны дæр

ЦХИНВАЛ, 27 мар — Sputnik, Плиты Фатимæ. Цхинвалы уæвæг Уæрæсейы расткадон дзуары аргъауны ацыд мардмысæн службæ Кемеровойы базарадон центр "Зимняя вишня"-ы æрцæугæ бæллæхы амæттæгты номыл. Панихидæмæ æрбацыд президент Бибылты Анатолий, парламенты сæрдар Гасситы Петр, депутаттæ, горæты цæрджытæ, суанг ма сабитæ дæр.

Возложение цветов в память о жертвах трагедии в Кемерово - Sputnik Хуссар Ирыстон
Цхинвалы сæвæрдтой дидинтæ Уæрæсейы минæварадмæ

Мардмысæн æмбырд уагъта аргъуаны динамонæг фыд Серги (Кокойты).

Президент Бибылты Анатолий ссардта, чи фæхъуыд уыдон рухс нæмттæ, зиан кæуыл æрцыд, уыдонæн та йæ цæст бауарзта тых сæ зындзинад сфæразынæн.

"Мах алыхатт дæр зыдтам, Уæрæсе нæ фарсмæ кæй ис. 2008 азы хæсты рæстæджы Кемеровойы адæм стыр лæггад бакодтой Хуссар Ирыстоны адæмæн – нæ кæстæрты нын акодтой, цæмæй уым баулæфой æмæ сæ зæрдæйы рыст фæкъаддæр уа. Уыцы зындзинады кæд нæ фарсмæ æрбалæууыдысты, уæд махæн моралон бар нæй, абон сын ма зæгъæм мæсæлæй æмæ сæ фарсмæ ма балæууæм. Уыдон хъуамæ банкъарой, фæрсарæнты, се хсæн Хуссар Иры дæр, кæй ис адæм, кæцытæ уыцы трагеди райстой куыд сæхи бæллæх", — загъта президент.

© Sputnik / Плиты ФатмиæМардмысæн службæ
Мардмысæн службæ - Sputnik Хуссар Ирыстон
Мардмысæн службæ

Дыццæджы ма Кемеровойы цыппаруæладзыгон базарадон центры зынгсирвæзты амæттæгты рухс нæмттæ ссардтой Цхинвалы Мад Майрæмы аргъуаны дæр.

Ног хабӕртты лентӕ
0