02:55 26 ХУЫМГÆНÆНЫ МÆЙ 2018
Комкоммӕ эфир
Инвестпрограммæйы æмбырд

Хуссар Иры æрæвнæлдтой дыууæазон инвестпрограммæйы реализацимæ

© Пресс-служба президента РЮО.
Хуссар Ирыстоны
Чысыл дӕнцӕг
6 0 0

Инвестпрограммæйы финанскæнынад цæудзæн уæрæсейаг бюджетæй, йæ реализацийæн рахицæнгонд æрцæудзæн 4 миллиард сомæй фылдæр

ЦХИНВАЛ, 4 апр — Sputnik. Хуссар Ирыстоны президент Бибылты Анатолий фехъусын кодта 2018-2019 азтæн инвестпрограммæйы реализацийы райдианы тыххæй, хъусын кæны паддзахады сæргълæууæджы пресс-службæ.

Ведомствæйы куыд банысан кодтой, афтæмæй дыццæджы, Бибылты Анатолий ауагъта рабадт Цхинвалмæ æрцæуæг Кавказы хъуыддæгты фæдыл министры хæдивæг Игорь Кошин æмæ Хуссар Ирыстон, Абхаз æмæ Хæдбар паддзахæдты æмбалады (ХПӔ) бæстæтимæ социалон-экономикон æмгуыстады фæдыл УФ президенты управленийы хистæры хæдивæг Денис Травинимæ.

"Мах райдайдзыстæм 2018-2019 азтæн инвестпрограммæйы реализаци. Нывæзты ис саразын уазæгдон, сабидон, фæндæгтæ æмæ бирæ æндæр социалон нысаниуæгджын объекттæ", — загъта президент.

Игорь Кошины ныхæстæм гæсгæ, Цхинвалмæ æрцæугæйæ уый дисы бахауд инвестпрограммæйы объектты арæзтады æвæрццаг динамикæйæ, кæцытæ ма æрæджыдæр уыдысты "æбæлвырд уавæры".

"Ӕхсызгон мын у, мах кæй æххæст кæнæм нæ бадзырдтæ, æмбæлæм рæстæгæй рæстæгмæ æмæ вазыгджын фарстытыл уынаффæ кæнгæйæ, бантысы уыдон алыг кæнын. Фæнды мæ бузныг зæгъын Дæуæн, кæй дарыс лæмбынæг хъусдард инвестпрограммæйы объекттæм", — загъта уый.

2018-2019 азтæн инвестицион программæ фидаргонд æрцыд фарон декабры уæрæсейаг-хуссарирыстойнаг æхсæнхицауадон къамисы рабадтыл. Программæйы 51 пункты реализацийæн уæрæсейаг бюджетæй рахицæнгонд æрцæудзæн 4, 3 млрд сомы.

Сӕйраг темӕтӕ