Хуссар Иры президент абалц уыдзæн форуммæ Ялтамæ

© Sputnik / Сергей Мальгавко /  Ахизын медиабанкмæВид на Ялту со стороны Черного моря
Вид на Ялту со стороны Черного моря - Sputnik Хуссар Ирыстон
Рафыссын
Форум бафыст æрцæудзæн Хуссар Ирыстон æмæ Хъырымы æхсæн фæндты тыххæй протокол

ЦХИНВАЛ, 16 апр — Sputnik. Хуссар Ирыстоны делегаци президент Бибылты Анатолийы сæргълæудæй хайад райсдзæн Ялтайы IV æхсæнадæмон экономикон форумы, хъусын кæны паддзахады сæргълæууæджы пресс-службæ.

Цхинвал дзуры æрдæгсакъадахы тыххæй - Sputnik Хуссар Ирыстон
Цхинвал дзуры æрдæгсакъадахы тыххæй: Хъырымы цардысты нæ фыдæлтæ – скифтæ

Делегацийы сконды сты фæсарæйнаг хъуыддæгты министр Медойты Дмитрий, Хуссар Ирыстоны минæвар Уæрæсейы Гасситы Знауыр, финансты министр Хæбæлаты Аза, экономикон райрæзты министр Кокойты Геннадий, транспорт æмæ сæудæджерады комитеты сæргълæууæг Бекъойты Геннадий.

Форумы фæлгтæтты бафыст æрцæудзæн Хуссар Ирыстон æмæ Хъырымы æхсæн фæндты тыххæй протокол.

"Документ бафыст æрцæудзæн Республикæ Хуссар Ирыстон æмæ Хъырымы æхсæн дыууæварсон базарадон, экономикон, зонадон-техникон æмæ гуманитарон æмгуыстад фæарфдæр æмæ рауæрæхдæр кæныны нысанæн", — загътой президенты пресс-службæйы.

Ялтайы æхсæнадæмон экономикон форум ацæудзæн 19-21 апрелы.

Ног хабӕртты лентӕ
0