Цхинвалы цæрæг гранатæйæ æртхъирæн кодта чызгмæ ХИПУ-ы æмдзæрæндоны

© ЦОС ФСБ РФ /  Ахизын медиабанкмæИзъятая граната "Ф-1"
Изъятая граната Ф-1 - Sputnik Хуссар Ирыстон
Рафыссын
Фыдвæндгæнæджы фæхæццæ кодтой милицимæ, МХМ уадзы инциденты равзæрст

ЦХИНВАЛ, 18 апр — Sputnik. Цхинвайлаг æрыгон лæппу æртхъирæн кодта хæстон гранатæйæ 20-аздзыд чызгмæ Хуссар Ирыстоны паддзахадон университеты æмдзæрæндоны бæстыхайы. Инцидент æрцыд дыццæджы, хъусын кæны Хуссар Ирыстоны МХМ-ы пресс-службæ.

Изъятый пистолет - Sputnik Хуссар Ирыстон
Цхинвалы цæрæг æртхъирæн кодта чызгмæ пистолетæй

Ведомствæйы куыд банысан кодтой, афтæмæй горæты мидхъуыддæгты органты æрбацыдмæ, фыдвæндгæнæг йæхи бааууон кодта цауы бынатæй машинæйыл. Фæстæдæр автомашинæ æрурæдтой Харебаты Исахъхъы уынгыл, шофыр – 19-аздзыд цхинвайлаг лæппуйы фæхæццæ кодтой милицийы горæттаг управленимæ.

Машинæ басгæрсты рæстæджы, МХМ-ы кусджытæ ссардтой гранатæ Ф-1.

Мидхъуыддæгты министрад уадзы инциденты равзæрст.

Ног хабӕртты лентӕ
0