18:48 27 ЗÆРДÆВÆРÆНЫ МÆЙ
 2018
Комкоммӕ эфир
  • EUR72.12
  • USD61.67
Парад Цхинвалы

Милицийы радзырдтой, кӕцы уынгтӕ сӕхгӕндзысты Цхинвалы 9 Майы

© Sputnik . Руслан Тадтаев, Олег Репухов
Хуссар Ирыстоны
Чысыл дӕнцӕг
12 0 0

Уагдоны фехъусын кодтой, кӕцы фӕндӕгтӕ ӕрцӕудзысты ӕхгӕд республикӕйы столицӕйы Уӕлахизы бон нысан кӕныны рӕстӕджы

ЦХИНВАЛ, 8 май — Sputnik. Стыр Уӕлахизыл 73-азы сӕххӕсты бон нысан кӕныны тыххӕй Хуссар Ирыстоны столицӕйы сӕхгӕндзысты цалдӕр уынджы, фехъусын кодта республикӕйы мидхъуыдтӕгты министрады (МХМ) пресс-службӕ.

Уагдоны радзырдтой, 9 майы ӕфсӕддон парад ауадзыны тыххӕй кӕй сӕхгӕндзысты Таболты Сергейы уынджы алвӕндаг Сталины уынг ӕмӕ Джиоты Аланы проспектимӕ, афтӕ ма Харебаты Исахъ ӕмӕ Плиты Иссӕйы уынгты алвӕндаг дӕр. Транспортон змӕлдӕн ма ноджы сӕхгӕндзысты Сталины уынджы хӕйттӕ Мӕскуыйы уынгӕй Пушкины ӕмӕ Советон уынгтӕм, афтӕ ма Пушкины уынг дӕр Джиоты Аланы проспектӕй Сталины уынгмӕ. Фидауынгӕнджыты ӕмӕ Октябры, Советон ӕмӕ Сталины уынгты алвӕндӕгтӕ дӕр ӕрцӕудзысты ӕхгӕд, цалынмӕ цӕттӕ кӕной ӕмӕ уадзой ӕфсӕддон парад.

Акци "Ӕнӕмӕлгӕ полк" ауадзыны тыххӕй дӕр сӕхгӕндзысты Харебаты Исахъхъы уынг, банысан кодтой уагдоны.

Бӕрӕгбонон концерт уадзыны тыххӕй 9 майы сӕхгӕндзысты Театралон фӕзуаты сыхаг уынгтӕ дӕр, сӕйраджыдӕр Хетӕгкаты Къоста ӕмӕ Тугъанты Махарбеджы уынгты алвӕндаг. Ацы хай ма ӕхгӕд ӕрцӕудзӕнис 8 майы 17 сахатӕй концерт "Ӕрттив ӕнусты, Стыр Уӕлахиз"-ы тыххӕй.

Сӕйраг темӕтӕ