Хорзæхтæ æмæ равдыст: Цхинвалы цыт кодтой хæдахуыр къамисджытæн

© Sputnik / Наталья АйриянЦхинвалы цыт кодтой хæдахуыр къамисджытæн
Цхинвалы цыт кодтой хæдахуыр къамисджытæн - Sputnik Хуссар Ирыстон
Рафыссын
Хуссар иры столицæйы Къостайы цыртрæбын ацыд фотоконкурс "Хуссар Ирыстон—2018"-ы финалистты равдыст, æнтыстджындæртæ райстой хорзæхтæ æмæ грамотæтæ, фæсивæд æххæст кодта зарджытæ

ЦХИНВАЛ, 31 май — Sputnik, Плиты Фатимæ. Хуссар Ирыстоны культурæйы министрады Адæмон сфæлдыстады центр схорзæхджын кодта фотоконкурс "Хуссар Ирыстон—2018"-ы уæлахиздзаутæ æмæ призерты. Хорзæхкæныны церемони ацыд цытджын уавæры, Цхинвалы Къостайы цырты бын райтыгътой къамты равдыст, цыртрæбын зæлдысты зарджытæ æмæ арфæтæ.

Фотоконкурс Хуссар Ирыстон—2018 - Sputnik Хуссар Ирыстон
Цхинвалы фæбæрæг сты хуыздæр хæдахуыр къамисджытæ

Организатортæ мадзал "Остановись, мгновение, ты родное" æрæмных кодтой Хуссар Ирыстоны хæдбардзинад расидты нысан кæныны бонтæм. Уæлахиздзаутæ æмæ призерты æхсæн уыд куыд сывæллæттæ, афтæ карджын адæм дæр.

Хæдахуыр къамисджыты куыстытæй хицæн номинациты хуыздæртыл банымадтой Гасситы Зæринæйы куыст "Проводы", Къæбулты Ӕхсары "Ветераны", Мæргъиты Ирбеджы куыстыты сери, Бестауты Ларисайы "Две сестры". Афтæ ма призерты нымæцы сты Цхуырбаты Мария, Туаты Ирина, Гæззаты Тимур æмæ Хаситы Геннадий. Конкурсы сæрмагонд призæй рахицæн кодтой иууыл кæстæр — фарастаздзыд конкурсант Туаты Марияйы.

"Конкурсмæ æрбахастон дзуæртты нывтæ. Скъолайы хорз ахуырæй дарддæр ма мын ныр ис ног уарзон архайд — къамтæ исын. Мæ приз фæцыд мæ зæрдæмæ", — радзырдта чысыл чызг.

Жюрийы хъуыдымæ гæсгæ, иннæ æзтæм абаргæйæ, ацы конкурс разынд лæмæгъдæр, нæ дзы архайдтой ивгъуыд азты уæлахиздзаутæ – Гæбæраты Нелли æмæ Габаты Владимир. Фотоконкурсы жюрийы уæнг, президенты къамисæг Алексей Ковалев загъта хайадисджытæн йæ фæндиæгтæ.

© Sputnik / Наталья АйриянЦхинвалы цыт кодтой хæдахуыр къамисджытæн
Цхинвалы цыт кодтой хæдахуыр къамисджытæн - Sputnik Хуссар Ирыстон
1/4
Цхинвалы цыт кодтой хæдахуыр къамисджытæн
© Sputnik / Наталья АйриянЦхинвалы цыт кодтой хæдахуыр къамисджытæн
Цхинвалы цыт кодтой хæдахуыр къамисджытæн - Sputnik Хуссар Ирыстон
2/4
Цхинвалы цыт кодтой хæдахуыр къамисджытæн
© Sputnik / Наталья АйриянЦхинвалы цыт кодтой хæдахуыр къамисджытæн
Цхинвалы цыт кодтой хæдахуыр къамисджытæн - Sputnik Хуссар Ирыстон
3/4
Цхинвалы цыт кодтой хæдахуыр къамисджытæн
© Sputnik / Наталья АйриянЦхинвалы цыт кодтой хæдахуыр къамисджытæн
Цхинвалы цыт кодтой хæдахуыр къамисджытæн - Sputnik Хуссар Ирыстон
4/4
Цхинвалы цыт кодтой хæдахуыр къамисджытæн
1/4
Цхинвалы цыт кодтой хæдахуыр къамисджытæн
2/4
Цхинвалы цыт кодтой хæдахуыр къамисджытæн
3/4
Цхинвалы цыт кодтой хæдахуыр къамисджытæн
4/4
Цхинвалы цыт кодтой хæдахуыр къамисджытæн

"Ӕцæг аккаг къамтæ бирæ нæ уыдысты. Фæлæ дзы ис цымыдисон куыстытæ дæр. Конкурсантты се 'ппæты дæр хъæуы сахуыр кæнын рухс æмæ аууонæй пайда кæнын. Архайут, ахуыр кæнут æмæ фылдæр исут къамтæ", — загъта уый.

Дарддæр концертон программæйы скъоладзаутæ сæххæст кодтой зарджытæ.

Адæмон сфæлдыстады центр фотоконкурс уадзы ныр цыппæрæм хатт. Фыццаг сæ тыхтæ бафæлвæрдтой 2014 азы. Хицæн æзты конкурсы расгуыхтысты къамисджытæ Гæбæраты Нелли, Габайты Владимир, Хуыгаты Ростислав, Гæззаты Тимур æмæ æндæртæ.

Ног хабӕртты лентӕ
0