ЦХИНВАЛ, 20 июн — Sputnik. Цхинвалы бӕрӕгбонон уавӕры бакодтой Sputnik FanClub — сӕрмагонд зонӕ футбол уарзджытӕн, кӕцы кусдзӕн ӕнӕхъӕн мӕйы дӕргъы. Сӕйраг спортивон цауы рӕстӕджы ӕхсӕнадӕмон информацион агентад ӕмӕ радио Sputnik Хуссар Ирыстон байгом кодта Цхинвалы спортивон бар "Лига Чемпионов"-ы сӕрмагонд зонӕ футбол уарзджытӕн. Фан-клубы ӕрхонгӕ уазджытӕ уыдысты РХИ президенты пресс-секретарь Гасситы Дина ӕмӕ Цхинвалы мэр Коцты Алан.
Sputnik Хуссар Ирыстоны сӕргълӕууӕг Виталий Раднаев раарфӕ кодта футбол уарзджытӕн ахӕм стыр спортивон бӕрӕгбоны цытӕн.
"Абон мах Хуссар Ирыстоны футбол уарзджытӕн байгом кодтам нӕ клуб — Sputnik FanClub. Ацы ран мах дзурдзыстӕм ӕрмӕст футболы тыххӕй нӕ, фӕлӕ ма республикӕйы спорты иууыл ахсджиагдӕр фарстыты фӕдыл. Иу мӕйы дӕргъы уагъд цӕудзысты бирӕ конкурстӕ", — загъта уый.
Уый загъта бузныджы ныхӕстӕ спортивон бар "Лига Чемпионов"-ы администраци ӕмӕ къухдариуӕгадӕн Sputnik Хуссар Ирыстоны коллективы номӕй, спортивон мадзал ауадзынӕн сый кӕй баххуыс кодтой, уый тыххӕй.
Хъазты райдайӕнмӕ спортивон бар уыд йедзаг. Фыццаг таймы фӕстӕ мадзалы амонӕг Карсанты Гурам ауагъта конкурс, цы ран рамбылдтой грамотатӕ ӕмӕ призтӕ агентадӕй. Уый фӕстӕ шоу "Ты супер!"-ы хайадисӕг Плиты Лана азарыд цалдӕр зарӕджы.
Матчы фӕстӕ Гасситы Дина басаст, кӕй нӕ уыдис ӕнхъӕл, ӕмӕ хъазт ахӕм рӕсугъд рауайдзӕн.
"Ӕз ӕнхъӕлдтон, ӕмӕ хъазт фӕуыдзӕн ӕмдыхӕй, фӕлӕ афтӕ нӕ рауадис ӕмӕ уый у тынг хорз. Тынг активон, цымыдисон хъазт кодтой", — банысан кодта Гасситы Дина.
