ЦХИНВАЛ, 20 июн — Sputnik. Хуссар Ирыстоны барадхъахъхъӕнӕг органтӕ ӕвзарынц Гудзабары хъӕуы 54-аздзыд цӕрӕджы амӕлӕты цау, хъусын кӕны Мидхъуыддӕгты министрады (МХМ) пресс-службӕ.
Нӕлгоймаджы буар ссардтой дыццӕджы райсомӕй, Цхинвалы районы мидхъуыддӕгты хайадмӕ хъусинаг ӕрбацыд тагъд ӕххуысы станцы радгӕсӕй.
"Цауы бынатмӕ бацӕуӕг оперативон кусджытӕ ӕмӕ Генпрокуратурӕйы фӕдысгарӕг нӕлгоймаджы буар ссардтой йӕ хӕдзары къӕсӕрыл.
Тӕрхондонон-медицинон эксперт не ссардта буарыл фыдмарды миниуджытӕ", — банысан кодтой МХМ.
Цауы фӕдыл басгӕрст уадзы районы мидхъуыддӕгты хайад.
Иу бон раздӕр ма ноджы иу нӕлгоймаджы мӕрдон буар ссардтой Леуахийы цӕугӕдоны, Дзауы районы Хслебы хъӕумӕ ӕввахс.
