ЦХИНВАЛ, 20 июн — Sputnik. Хуссар Ирыстоны Мидхъуыддӕгты министрады (МХМ) кусджытӕ ссардтой гӕн Дзауы поселочы цӕрӕджы хӕдтулгӕйы, хъусын кӕны барадхъахъхъӕнӕг уагдоны пресс-службӕ.
Фыдгӕнӕджы ӕрурӕдтой тыхон структурӕты рейдты рӕстӕджы, 20-аздзыд шофырӕй дарддӕр ма хӕдтулгӕ ВАЗ-2107-ы уыд йе 'мбай Дзауы районы Хслебы хъӕуӕй.
"Хӕдтулгӕйы басгӕрсты рӕстӕджы раззаг бандоны бын ссардӕуыд гӕххӕтты тыхт цъӕх кӕрдӕг", — дзырдӕуы хъусинаджы.
Фӕстӕдӕр эксперттӕ-криминалисттӕ сбӕрӕг кодтой, цъӕх кӕрдӕг кӕй у наркотикон буарад "гӕн" ӕмӕ йӕ уӕз та у 3,4 грамм.
МХМ банысан кодтой, шофыры архайд кӕй хауы статьямӕ "Наркотикон ӕви психотропон буарад цы зайӕгойты ис, уыдон ӕнӕзаконон ӕлхӕнын, ӕвӕрын ӕмӕ ласын".
