Дыууӕ авари – ӕртӕ зианбаййафӕджы: милици радзырдта къуырийы ФТЦ-ты тыххӕй

© пресс-служба МВД РЮО Авари Цхинвалы
Авари Цхинвалы - Sputnik Хуссар Ирыстон
Рафыссын
Уагдоны фехъусын кодтой республикӕйы ивгъуыд къуырийы ӕрцӕуӕг авариты лыстӕгдзинӕдтӕ

ЦХИНВАЛ, 16 июл — Sputnik. Хуссар Ирыстоны ивгъуыд къуыри ӕрцыд дыууӕ фӕндагон-транспортон цауы (ФТЦ), кӕцыты фӕстиуӕгӕн ӕртӕ адӕймаджы райстой буары цӕфтӕ ӕмӕ сӕ аластой рынчындонмӕ, фехъусын кодта къуырисӕры республикӕйы Мидхъуыддӕгты министрады (МХМ) пресс-службӕ.

Нӕ сырӕхст скъӕрын

Уагдоны банысан кодтой, зӕгъгӕ, 13 июлы Хуссар Ирыстоны Цхинвалы районы Хелчуайы хъӕуы цӕрӕг бахауд рынчындонмӕ Цхинвал — Ленингоры фӕндагыл аварийы фӕстиуӕгӕн. 18-аздзыд шофыр ВАЗ-2109 хӕдтулгӕйыл нӕ сырӕхст скъӕрын, машинӕ ахауд фӕндагӕй ӕмӕ сфӕлдӕхт. Фӕндагон-транспортон цауы фӕстиуӕгӕн ӕвзонг лӕппуйы буары цӕфтимӕ аластой Цхинвалмӕ республикон соматикон рынчындонмӕ.

Медицинон басгӕрст сбӕрӕг кодта, шофыр кӕй уыд ӕрвонг.

Нӕ радта фӕндаг

Ноджы ма иу авари ӕрцыд Цхинвалы 14 июлы райсомӕй. Фӕскомцӕдисонты уынгыл ВАЗ-2114 хӕдтулгӕйы 38-аздзыд шофыр нӕ радта фӕндаг ӕмӕ сӕмбӕлд "Нива"-йыл, кӕцы скъӕрдта Цхинвалы 22-аздзыд цӕрӕг.

Цӕфӕй ВАЗ-2121 ахауд фарсырдӕм ӕмӕ сӕмбӕлд "BMW" хӕдтулгӕйыл. "Нива"-йы шофыр ӕмӕ ВАЗ-2114-йы пассажиркӕйы — Цхинвалы цӕрӕг сылгоймаджы — буары цӕфтимӕ аластой республикон клиникон рынчындонмӕ.

Уагдоны бафтыдтой, зӕгъгӕ, медицинон басгӕрст сбӕрӕг кодта, дыууӕ шофыр дӕр кӕй уыдысты ӕрвонг.

265 фехӕлды

МХМ фехъусын кодтой, зӕгъгӕ, ивгъуыд къуыри Паддзахадон автоинспекцийы кусджытӕ рейдты рӕстӕджы сбӕрӕг кодтой фӕндагон змӕлды 265 фехӕлды. Авд шофыры скъӕрдтой хӕдтулгӕ нозтджынӕй.

Ног хабӕртты лентӕ
0