Цхинвалы æрбакодтой ленк кæныны курсытæ

© Sputnik / Софа ИсаакянЧемпионат по плаванию Южная Осетия
Чемпионат по плаванию Южная Осетия - Sputnik Хуссар Ирыстон
Рафыссын
Ахуыр цæудзæн спорты галуан "Олимп"-ы бассейны. Фыццаг ахуыргæнæн къорды уыдзæн æрмæст сылгоймæгтæ

ЦХИНВАЛ, 27 июл — Sputnik, Плиты Фатимæ. Цхинвалы æрбакодтой ленк кæнын кæй фæнды базонын, уыдонæн сæрмагонд курсытæ. Фыццаг къорды ахуыр кæндзысты сылгоймæгтæ 14 азы карæй уæлæмæ, фехъусын кодтой Sputnik спорты галуан "Олимп"-ы.

Чемпионат ленк кӕнынӕй, Хуссар Ирыстон - Sputnik Хуссар Ирыстон
Цхинвалы уагъд ӕрцӕудзӕн ӕхсӕнадӕмон турнир ленк кӕнынӕй

Къорд райдайдзæн кусын 1 августæй.

"Фыццаг къорды профессионалон ленкгæнæг ахуыр кæндзæн 20 адæймаджы, фыццаг къорды уыдзæн æрмæстдæр сылгоймæгтæ. Уыдон хъуамæ уой 14 азæй уæлæмæ суанг пенсион кары онг. Ныридæгæн сæхи ныффысын кодтой 10 адæймагæй фылдæр. Ахуыр цæудзæн 19.00-æй 20.00 сахатмæ", — загътой уагдоны.

Уым ма банысан кодтой, ленк кæнын базонын кæй фæнды, уыдон хъæуы бацæттæ  кæнын æмбæлон документтæ – се ʻхсæн медицинон справкæ дæр.

Спорты галуан "Олимп" эксплуатацимæ радтой 2015 азы фæззæджы. Ам архайынц бирæнымæц секцитæ — боксæй, армспортæй, гимнастикæйæ, ленк кæнынæй æмæ æндæр спорты хуызтæй.

Ног хабӕртты лентӕ
0