Амондджын æмæ хæрзконд: æххуысхъуаг бинонты сабитæ райстой скъолайон формæ

© Sputnik / Наталья АйриянХуссар Иры æххуысхъуаг бинонты сывæллæттæ райстой скъолайон дарæс
Хуссар Иры æххуысхъуаг бинонты сывæллæттæ райстой скъолайон дарæс - Sputnik Хуссар Ирыстон
Рафыссын
Æнæнхъæлæджы сывæллæттæн фадат фæцис зонындзинæдты бæрæгбонмæ сæхи скæнын рæсугъд æмæ æнæаргъæй

ЦХИНВАЛ, 31 июл — Sputnik, Плиты Фатимæ. Хуссар Ирыстоны æххуысхъуаг бинонты сывæллæттæ зонындзинæдты бæрæгбонмæ райстой скъолайон дарæс. Амалиуæггæнæг Чабиты Натальяйы хæрзаудæн акци аххæссыд 8 сывæллоныл.

© Sputnik / Наталья АйриянЧабиты Наталья
Благотворительная акция в магазине Эрман - Sputnik Хуссар Ирыстон
Чабиты Наталья
Дыццæджы сихорафон цхинвайлаг дукани "Эрман" айдзаг сывæллæттæй, амондджын сабитæ хуызджын дзаумаауындзæнты æхсæн æвзæрстой сæхицæн скъолайон формæ, ацы хатт сæ ныййарджытæ дæр нæ урæдтой – абон сын дарæс уыд æнæаргъæй. Аст сывæллоны горæт æмæ районтæй скодтой сæхи сæрæй кæронмæ.

"Катай кодтон, зæгъын, мæ сывæллæтты 1 сентябрьмæ куыд цæттæ кæндзынæн æмæ ныр мæ сæрнизæй фервæзтæн. Æртæ саби мын ис, иу сæ рынчын у, фæлæ мын Зæлинæ æмæ Аннайы сфæлындыдтой скъоламæ. Фыццаг хатт райстон ахæм æххуыс æмæ амонджын дæн", — радзырдта ныййарæг Бестауты Инга.

Дукани "Эрман" йæ куыст райдыдта иу мæйы размæ æмæ йæ хицæутты бафæндыд сæ куыст райдайын хорз хъуыддагæй.

© Sputnik / Наталья АйриянХуссар Иры æххуысхъуаг бинонты сывæллæттæ райстой скъолайон дарæс
Благотворительная акция в магазине Эрман - Sputnik Хуссар Ирыстон
Хуссар Иры æххуысхъуаг бинонты сывæллæттæ райстой скъолайон дарæс

"Тагъд фыццæгæм сентябрь у æмæ ахъуыды кодтам, зæгъгæ, ис ахæм бинонтæ, кæцытæн сæ авналæнтæ сты къуындæг. Хæрзаудæн фонд "Пусть всегда будет солнце" арбакодта 8 сывæллоны æмæ ма хъавынц ноджы æрбакæнын. Баххуыс кæндзыстæм, цасæн нæ бон суа, уыййас сывæллонæн. Комплекты ис чызджытæн къабатæ, хæдæттæ, сæрбæттæнтæ, лæпуттæн – костюмтæ. Æфсæрмы кæнынц сабитæ дæр æмæ ныййарджытæ дæр, фæлæ нæ ныфс ис, райзæрдæйæ кæй дардзысты сæ дарæс", — загъта Чабиты Наталья.

© Sputnik / Наталья АйриянХуссар Иры æххуысхъуаг бинонты сывæллæттæ райстой скъолайон дарæс
Благотворительная акция в магазине Эрман - Sputnik Хуссар Ирыстон
Хуссар Иры æххуысхъуаг бинонты сывæллæттæ райстой скъолайон дарæс

Фонд "Пусть всегда будет солнце"-йы президент Наталья Жуйкова хæрзаудæн органæн бындур æрæвæрдта æрæджы, ныридæгæн сарæзтой дыккаг мадзал.

"Дукани иу мæйы æмгъуыд дæр нæ кусы æмæ ахæм хорз хъуыддаг сарæзта. Стыр бузныг сын зæгъын, афтæ ма сывæллæтты барты фæдыл æххæстбарджын Козаты Гульнарайæн, уыдон фæрцы ацы хъуыддаг рацыд", — балхынцъ кодта Жуйкова Наталья.

Ног хабӕртты лентӕ
0