ЦХИНВАЛ, 16 авг — Sputnik. Закондæттынад, закондзинад æмæ бынæттон хæдразамынады комитет æруынаффæ кодтой республикæйы бакæнын майдан "В ознаменование 10-летия Победы в Отечественной войне народа Южной Осетии"-йы проектыл, хъусын кæны парламенты пресс-службæ.
Рабадты рæстæджы депутаттæ фиппайнæгтæ бахастой хорзæхы фæдыл хицауадæй æрбавдисгæ проектмæ. Рабадты кæрон баххæстгæнæнтæ хынцгæйæ проект суынаффæ кодтой раххæссын парламенты президиумы æркастмæ.
Дæс азы размæ гуырдзийаг хотыхджынтæ 7 августы æхсæв æрбабырстой Хуссар Ирмæ. Столицæ æмæ хъæутæ æхст цыдысты "Град" æмæ æндæр хæцæнгарзæй. Уæрæсе Хуссар Иры цæрджыты бахъахъхъæнын нысанæн æрбакодта йæ æфсæдтæ республикæмæ. Фондз боны тохты фæстæ гуырдзыйы æфсæдтæ сырд æрцыдысты.
Мæскуы 26 августы 2008 азы банымадта Хуссар Иры хæдбардзинад.
