Цхинвайлаг боксертæ рамбылдтой сыгъзæрин, æвзист æмæ бронзæ майдантæ

© Sputnik / Архив Родиона Кумаритова Цхинвайлаг боксертæ
Цхинвайлаг боксертæ - Sputnik Хуссар Ирыстон
Рафыссын
Ерысты уæлахиздзау ссис Абайты Артур, Кокойты Лев райста æвзист, æртыккаг лæппу Санахъоты Андрей дæр æнæ майдан нæ баззад, уый ссис æртыккаг призер

ЦХИНВАЛ, 17 сен — Sputnik, Плиты Фатимæ. Хуссар Ирыстоны сывæллæтты æмæ æрыгон фæсивæды боксы скъолайы хъомылгæнинæгтæ ссисты Советон цæдисы хъайтар Всеволод Бессоновы номарæн æппæтуæрæсейон боксы турниры уæлахиздзау æмæ призертæ, фехъусын кодта сæ тренер Куымæридтаты Родион.

Ерысты уæлахиздзау ссис Абайты Артур, Кокойты Лев райста æвзист, æртыккаг лæппу Санахъоты Андрей дæр æнæ майдан нæ баззад, уый ссис æртыккаг призер.

"Ерыстæм акодтам æртæ лæппуйы, уыдон æрмæстдæр дыккаг хатт архайдтой ерысты, фæлæ сеʻппæтдæр равдыстой сæхи иттæг хорз. Турниры архайдта 100 боксеры бæрц. Кокойты Левы уæзы тох кодта 12 лæппуйы, æнгæс уавæрты архайдта Санахъоты Андрей дæр. Кæмæн фæхæрд сты, уыдонæй дæр уыдысты бынтон чысыл æвæлтæрддæр", — загъта тренер.

Осетинские спортсмены успешно выступили на международном турнире по боксу - Sputnik Хуссар Ирыстон
Ирон боксертӕ рамбылдтой сӕ тохтӕ Дзӕуджыхъӕуы

Лæппуты цæттæ кæнынц сывæллæтты æмæ æрыгон фæсивæды боксы скъолайы тренертæ Куымæридтаты Родион æмæ Руслан, Кокойты Мурæт æмæ Тедеты Алик.

Турнир цыд Курскы областы горæт Льговы. Ерыстæ нывонд уыдысты Советон цæдисы хъайтар Всеволод Бессоновæн. Уый разамынад дæтта дæлдон нау "К-8"-æн, фæмард экипаж ирвæзынгæнгæйæ Атлантикон океаны.

Ног хабӕртты лентӕ
0