11:17 18 КÆФТЫ МÆЙ
 2018
Комкоммӕ эфир
  • EUR75.65
  • USD65.40
Хуссар Иры президент хайад райста траурон мадзӕлтты Донецкы

Хуссар Иры президент хайад райста траурон мадзӕлтты Донецкы

© ДОНЕЦКОЕ АГЕНТСТВО НОВОСТЕЙ
Хуссар Ирыстоны
Чысыл дӕнцӕг
8 0 0

Бибылты Анатолий хайад райста мадзӕлтты, кӕцытӕ нывонд сты Донецкаг республикӕйы фыццаг сӕргълӕууӕг Александр Захарченкойы мӕлӕты дыууиссӕдзӕм бонӕн

ЦХИНВАЛ, 10 окт — Sputnik. Донецкы дыццӕджы ацыдысты Александр Захарченкойы мысӕнӕн траурон мадзӕлттӕ, кӕцытӕ нывонд уыдысты Донецкы адӕмон республикӕйы (ДАР) фыццаг сӕргълӕууӕджы мӕлӕты дыууиссӕдзӕм бонӕн, хъусын кӕны РИА Новости. Мадзӕлтты хайад райста Хуссар Ирыстоны президент Бибылты Анатолий, радзырдтой ДАР сӕргълӕууӕджы пресс-службӕйы.

Тысячи людей собрались у мемориала на месте гибели Захарченко в центре Донецка
Хуссар Иры президент хайад райста траурон мадзӕлтты Донецкы

"Абон у республикӕйы фыццаг сӕргълӕууӕг Александр Захарченкойы мӕлӕты дыууиссӕдзӕм бон. Донецкы уагъд цӕуынц траурон мадзӕлттӕ. Се хсӕн дидинджыты сӕвӕрд Захарченкойы ингӕн ӕмӕ мӕлӕты бынатмӕ. Александр Захарченкойы рухс ном ссарынмӕ ӕрцыдысты Хуссар Ирыстоны президент Бибылты Анатолий, Уӕрӕсейы Федерацийы Паддзахадон думӕйы депутат Тайсайты Хъазбег ӕмӕ ӕндӕр официалон гоймӕгтӕ", — фехъусын кодта журналисттӕн ДАР сӕргълӕууӕджы пресс-службӕйы минӕвар.

Сӕдӕ адӕймагӕй фылдӕр ӕрӕмбырд сты Захарченкойы мӕлӕты бынаты. Хуссар Ирыстоны президент сӕвӕрдта дидинджытӕ мысӕн дурыл, цы ран сты Захарченко ӕмӕ йӕ хъахъхъӕнӕджы нывтӕ.

Афтӕ ма дидинджытӕ сӕвӕрдтой Тайсайты Хъазбег, ДАР сӕргълӕууӕджы хӕстӕ ӕххӕстгӕнӕг ӕмӕ ӕндӕр официалон гоймӕгтӕ.

Донецкаг Адӕмон республикӕйы сӕргълӕууӕг фӕмард 31 августы изӕры Донецкы центры кафе "Сепар"-ы срӕмыгъды фӕстиуӕгӕн. Фӕмард ма Захарченкойы хъахъхъӕнджытӕй иу. Уӕлвӕткон уавӕрты министрады информацимӕ гӕсгӕ, зиан баййӕфтой 11 адӕймаджы. Донецкы хицауад срӕмыгъд банымадтой терактыл.

Хуссар Ирыстон 2014 азы банымадта ДАР ӕмӕ ЛАР хӕдбардзинад, республикӕтимӕ фидар ӕрцыдысты дипломатон ахастытӕ. Донецк ӕмӕ Луганскы кусынц Хуссар Ирыстоны минӕварадтӕ, Цхинвалы та — ДАР ӕмӕ ЛАР минӕварадтӕ.

Сӕйраг темӕтӕ