03:52 14 ЦЫППУРСЫ МÆЙ 2018
Комкоммӕ эфир
  • EUR75.39
  • USD66.26
Плиты Грисы номарæн юбилей

105 азы юбилей: Цхинвалы æрымысыдысты Плиты Грисы

© Sputnik / Наталья Айриян
Хуссар Ирыстоны
Чысыл дӕнцӕг
27 0 0

Æрæмбырдуæвджытæ дзырдтой поэт, тæлмацгæнæг, актер æмæ драматургы цардæй æнæзынд цаутæ, йæ 'мдзæвгæтæ, сæххæст кодтой скъуыддзаг "Авд цухъхъайæ"

ЦХИНВАЛ, 11 окт — Sputnik, Плиты Фатимæ. Цхинвалы ацыд номдзыд поэт, тæлмацгæнæг, Стыр Фыдыбæстæйон  хæсты архайæг Плиты Грисы номарæн изæр. Скъоладзаутæ кастысты æмдзæвгæтæ, артисттæ сæххæст кодтой скъуыддзаг йæ зындгонд поэмæ "Авд цухъхъа"-йæ, ахуыргæндтæ дзырдтой æнæзонгæ цаутæ йæ биографийæ.

Номдзыд поэт райгуырд Хетæгкаты Къостаимæ иу бон – 15 октябры æмæ нымад цæуы йæ фæстæ Ирыстоны хуыздæр поэтыл.

  • Плиты Грисы номарæн юбилей
    Плиты Грисы номарæн юбилей
    © Sputnik / Наталья Айриян
  • Плиты Грисы номарæн юбилей
    Плиты Грисы номарæн юбилей
    © Sputnik / Наталья Айриян
  • Плиты Грисы номарæн юбилей
    Плиты Грисы номарæн юбилей
    © Sputnik / Наталья Айриян
  • Плиты Грисы номарæн юбилей
    Плиты Грисы номарæн юбилей
    © Sputnik / Наталья Айриян
1 / 4
© Sputnik / Наталья Айриян
Плиты Грисы номарæн юбилей

Мадзалмæ æрбамбырд сты скъолаты æмæ уæлдæр ахуыргæнæн уагдоны ирон æвзаг æмæ литературæйы кафедрæты ахуыргæнджытæ, студентæ, скъоладзаутæ æмæ поэтимæ зонгæ чи уыд, уыдон. Мысæн изæр бацæттæ кодтой ХИПУ æмæ Республикон библиотекæ. Мадзалы раныхас кодта ХИПУ-йы ирон литературæйы кафедрæйы сæргълæууæг Плиты Гацыр, кæцы хорз зыдта поэты.

"Грисæн йæ цард ацыд тохы – Стыр Фыдыбæстæйон хæсты, мидæггагон змæстыты. Бирæ æзты дæргъы уыд æгуыст. Литературæйы йæ ном ныхъхъæр ис йæ трагеди "Чермен"-æй. Стыр сты йæ лæггæдтæ ирон литературæйы раз, уый иронау сдзурын кодта Шекспир, Пушкин, Лермонтовы, раивта ирон æвзагмæ Къостайы уырыссагау фыст уацмыстæ. Уыд историйы хорз зонæг", — загъта Плиты Гацыр.

Плиты Грисы мысын изæрмæ æрцыдысты уазджытæ Цæгат Ирыстонæй дæр. Номдзыд поэт æмæ тæлмацгæнæджы æрымысыд Цæгат Ирыстоны адæмон артист Мамсыраты Тасолтан.

"Грис-иу хæдзары куы куыста, уæд хъуамæ сыбар-сыбур дæр макуыцæй хъуыстаид. Уыд ахæм цау æмæ Шекспиры ирон æвзагмæ ивгæйæ иу хъуыдыйадыл фæбадт æртæ сахаты æмæ стæй сæрыстырæй загъта, зæгъгæ, бантыст мын йе стæлмац кæнын. Уымæн йæ тæлмацтæ диссаг сты, цыма сæ ирон лæг фыста, афтæ", — загъта Мамсыраты Тасолтан.

Мероприятие, посвященное 105-летию со дня рождения Плиты Гриса
© Sputnik / Наталья Айриян
Цхинвалы æрымысыдысты Плиты Грисы

Плиты Грис райгуырд 15 октябры 1913 азы Хуссар Ирыстоны Ручъы хъæуы. 1920 азы, гуырдзиаг меньшевикты æрбабырсты рæстæджы алыгъдысты Цæгат Ирыстонмæ. Грис ахуыр кæнынмæ бацыд Дзæуджыхъæуы педагогон техникуммæ, стæй каст фæцис Мæскуыйы театралон аивады институт. Уый фæстæ Грис ацыд Стыр Фыдыбæстæйон хæстмæ. Йæ хæстон сгуыхтдзинæдты тыххæй хорзæхгонд æрцыд æртæ орден æмæ бирæ майдантæй. Цалдæр хатты уыд цæф. Хæсты фæстæ куыста Цæгат Ирыстоны драмтеатры директорæй, журнал "Мах дуг"-ы бæрнон редакторæй.

Сӕйраг темӕтӕ