Ӕнусӕй фылдӕр закон хъахъхъӕнгӕйӕ: Хуссар Иры милици нысан кӕны 101 азы сӕххӕст

© Sputnik / Наталья АйриянЮжная Осетия: день милиции
Южная Осетия: день милиции - Sputnik Хуссар Ирыстон
Рафыссын
Бӕрӕгбонон ӕмбырд бӕстӕ ӕмӕ Мидхъуыддӕгты министрады къухдариуӕгадимӕ ацыд Цхинвалы киноконцертон зал "Чермен"-ы

ЦХИНВАЛ, 7 ноя — Sputnik, Козаты Диана. Хуссар Ирыстоны Мидхъуыддӕгты органты кусджытӕ 10 ноябры банысан кӕндзысты сӕ профессионалон бӕрӕгбон — уагдоны сӕвзӕрдыл 101 азы сӕххӕст. Киноконцертон зал "Чермен"-ы ӕртыццӕджы ацыд бӕрӕгбонон ӕмбырд, кӕцы уыд нывонд ацы датӕйӕн.

Мидхъуыддӕгты министрады (МХМ) кусджытӕ ӕмӕ ветерантӕн раарфӕ кодта уагдоны сӕргълӕууӕг Наниты Игорь ӕмӕ президент Бибылты Анатолий.

"Милицийы кусӕджы зын професси нымад цӕуы куыд ӕнӕмӕнгхъӕугӕ барадон паддзахады райрӕзтӕн, йӕ ӕмбӕстӕгты сабыр цардӕн. Махмӕ адӕм бадзурынц ӕххуысы тыххӕй, царды уӕззау уавӕрты куы бахауынц, ӕмӕ мах хъуамӕ цӕттӕ уӕм бахъахъхъӕнын ӕмбӕстӕгты сабырдзинад ӕмӕ барадтӕ", — загъта МХМ сӕргълӕууӕг.

Наниты Игорь бахахх кодта, зӕгъгӕ, Хуссар Ирыстоны историйы зын периодты мидхъуыддӕгты органты кусджытӕ алыхатт дӕр хъӕбатырӕй хъахъхъӕдтой сӕ фыдыбӕстӕ.

© Sputnik / Наталья АйриянХуссар Ирыстон: милицийы бон
Южная Осетия: день милиции - Sputnik Хуссар Ирыстон
Хуссар Ирыстон: милицийы бон

Милицийы кусджыты рухс нӕмттӕ, кӕцытӕ фӕхъуыдысты сӕ службӕйон хӕслӕвӕрдтӕ ӕххӕстгӕнгӕйӕ гуырдзиаг агрессийы рӕстӕджы, ссардтой иу уысм ӕдзӕмӕй алӕугӕйӕ.

Уагдоны дарддӕры райрӕзты тыххӕй министр банысан кодта, зӕгъгӕ, хъӕуы фӕхуыздӕр кӕнын кусджыты социалон гарантитӕ, афтӕ ма хъӕуы ӕххуыс кӕнын ветерантӕн ӕмӕ амӕттаг кусджыты бинонтӕн.

Уый ма фидарӕй загъта, милицийы кусджытӕ дарддӕр дӕр намысджынӕй кӕй ӕххӕст кӕндзысты сӕ хӕслӕвӕрдтӕ паддзахады райрӕзты тыххӕй.

МХМ кусджытӕн сӕ профессионалон бӕрӕгбоны цытӕн раарфӕ кодта президент Бибылты Анатолий. Президент банысан кодта, зӕгъгӕ, 1917 азы милицийы сӕвзӕрдӕй фӕстӕмӕ рацыд бирӕ рӕстӕг, фӕлӕ уыцы рӕстӕг уагдоны кусджытӕ ӕвдыстой сӕ хъӕбатырдзинад ӕмӕ стыр профессионализм сӕ службӕйон хӕстӕ ӕххӕстгӕнгӕйӕ.

"Абон милици у паддзахады иууыл ахсджиагдӕр структурӕтӕй иу. МХМ кусджытӕ райстой активон хайад ӕмӕ равдыстой сӕ хъайтардзинад 2008 азы августы. Бирӕты схорзӕхджын кодтой ордентӕ ӕмӕ майдантӕй. Сӕйраг хорзӕх — Уацамонгӕйы орденӕй — схорзӕхджын кодтой милицийы 20 кусӕджы. Хъыгагӕн, уыдонӕй асты схорзӕхджын кодтой амӕлӕты фӕстӕ", — загъта президент.

© Sputnik / Наталья АйриянХуссар Ирыстон: милицийы бон
Южная Осетия: день милиции - Sputnik Хуссар Ирыстон
Хуссар Ирыстон: милицийы бон

Паддзахады сӕргълӕууӕджы ныхӕстӕм гӕсгӕ, МХМ кусджытӕн ис бирӕ хӕслӕвӕрдтӕ, сӕйраджыдӕр, тох кӕнын фыдракӕндты ныхмӕ, ӕххӕст кӕнын ӕхсӕнадон фӕтк ӕмӕ хъахъхъӕнын ӕмбӕстӕгты бартӕ.

Президент радта милицийы кусджытӕн майдантӕ ӕмӕ радон ӕфсӕддон нӕмттӕ, афтӕ ма милицийы сгуыхт кусӕджы нӕмттӕ дӕр. МХМ сӕргълӕууӕг Наниты Игорӕн радтой майдан "Хуссар Ирыстоны Фыдыбӕстон хӕсты адӕмы уӕлахизыл 10 азы сӕххӕсты цытӕн". Мидхъуыддӕгты министры хӕдивӕг Дзабиты Ӕхсарӕн радтой сӕрмагонд ном — милицийы инӕлар-майор.

Афтӕ ма милицийы хуыздӕр кусджытӕн радтой майдантӕ "Фыдыбӕстӕйы Хъахъхъӕнӕг", "Сабырдзинад хъахъхъӕныны тыххӕй" ӕмӕ кады грамотатӕ.

Уагдонон хорзӕхтӕ МХМ кусджытӕн радта Наниты Игорь дӕр.

Ног хабӕртты лентӕ
0