ЦХИНВАЛ, 28 ноя — Sputnik, Гӕбӕраты Ян. Фонтаны проект столицӕйы централон фӕзуатыл рахицӕн кодтой Паддзахадон драмон театры иумӕйаг проектӕй, ӕмӕ йӕ среализаци кӕндзысты 2019 азы, радзырдта мыхуыр ӕмӕ информацийы паддзахадон комитеты пресс-центры арӕзтады министрады сӕргълӕууӕг Зӕгъойты Эдуард.
"Фыццаг хъавыдысты саразын Театралон фӕзуатыл классикон ӕртӕярусон фонтан, фӕлӕ республикӕйы къухдариуӕгады сразы кодтой, хуыздӕр вариант кӕй уыдзӕн сур фонтан", — загъта Зӕгъойты Эдуард.
Афтӕмӕй, Паддзахадон драмон театры проектмӕ бахызт фонтаны арӕзтад дӕр. Фӕлӕ куыстыты райдайӕн этапыл дӕр рабӕрӕг сты проблемӕтӕ, сӕйраджыдӕр, кӕцыдӕр ифтонггарз ӕмбӕлгӕ нӕ уыд, уый рабӕрӕг басгӕрсты рӕстӕджы.
"Мах аскъуыддзаг кодтам — кӕд ӕмӕ фонтан аразӕм, уӕд хъуамӕ уа аккаг горӕты централон фонтанӕн — уый фӕдыл йӕ арӕзтад рахицӕн кодта Паддзахадон драмон театры иумӕйаг проектӕй", — бафтыдта Зӕгъойты Эдуард.
Афтӕмӕй, централон фонтаны проект, кӕцыйы аргъ у 20-23 милуан сомы, ахастой 2019 азы инвестицион программӕмӕ.
"Къуыхцы куыстытыл иу сом дӕр нӕ бахардз ис паддзахадон бюджетӕй — алцыдӕр у нардуатон организацийы аххос", — бахахх кодта арӕзтады министрады сӕргълӕууӕг.
