Асфальт хъæумæ: Мугут æмæ Тулдзыты сбæтдзæн сосæ фæндаг

© Sputnik / Алексей КовалевФæндаджы арæзтад
Фæндаджы арæзтад - Sputnik Хуссар Ирыстон
Рафыссын
Фæндаджы ацы лыггаг у иунæг, республикон трассæйæ дарддæр, кæцы фæстаг æзты æмбæрзт æрцыд асфальтæй

ЦХИНВАЛ, 29 ноя — Sputnik, Плиты Фатимæ. Знауры районы Мугут æмæ Тулдзыты хъæутæм арæзт цæуы асфальт фæндаг. Дыууæ цæрæн пункты мидæг уыдзæн сосæ фæндаг æмæ сæрдыгон бон цæрджытæ æрулæфдзысты рыгæй, æвзæр боныгъæд дæр проблемӕ нал уыдзæн цæуынæн, фехъусын кодта Sputnik районы хистæр Гæбæраты Инал.

Уæлмæрдмæ фæндаг: Дзауы районы алыг кодтой хъæуы цæрджыты проблемæ - Sputnik Хуссар Ирыстон
Уæлмæрдмæ фæндаг: Дзауы районы аиуварс кодтой хъæуы цæрджыты проблемæ

Фæндаджы ацы лыггаг у иунæг, республикон трассæйæ дарддæр, кæцы фæстаг æзты æмбæрзт æрцыд асфальтæй. Ам хæстæг уæвынад кæны арæнгæсуат, ацы фæндагыл сæрдыгон рæстæг чысыл Пронейы донмæ цæуынц улæфджытæ.

"Ацы хъæуты цæрджытæ иу æмæ дыууæ хатты нæ бахатыдысты сæ проблемӕйы тыххæй районы разамынадмæ. Хъуыддаг уый мидæг ис æмæ ацы хъæуты хæдзæрттæ æвæрд сты тæккæ фæндаггæрæтты æмæ-иу сæрдыгон бонты уыдысты рыджы бын. Ныридæгæн куыстытæ сты сæ тæмæны æмæ ацы дыууæ бон фæуыдзæн фæндаг арæзт", — загъта районы администрацийы хистæр.

Гæбæраты Инал ма банысан кодта, фæндагæн арæзт кӕй æрцыд йæ иу хай – 1800 метры дæргъæн, "æрмæстдæр ууыл аххæссыдысты нæ фæрæзтæ".

Мугут æмæ Тулдзыты хъæуты ис 150 хæдзары бæрц.

Ног хабӕртты лентӕ
0