22:38 21 ЗÆРДÆВÆРÆНЫ МÆЙ
 2019
Комкоммӕ эфир
  • EUR71.97
  • USD64.54
Къæбысты Сæрмæт

Италимæ æнæаргъæй: музыкант Къæбысты Сæрмæт райста фыццаг бынат Ӕхсæнадæмон конкурсы

© facebook/Сармат Кабисов
Хуссар Ирыстоны
Чысыл дӕнцӕг
214 0 0

Хуссарирыстойнаг музыкант жюрийы зæрдæ балхæдта Ӕлборты Феликсы уацмыс "Концертон пьесæ" æмæ Гæздæнты Булаты "Концертон симд"-æй

ЦХИНВАЛ, 4 дек — Sputnik, Плиты Фатимæ. Хуссар Ирыстоны Ӕлборты Феликсы номыл музыкалон ахуыргæнæндоны минæвар, оркестрант Къæбысты Сæрмæты банымадтой хуыздæрыл Ӕхсæнадæмон конкурс "Итальянские вечера в России"-йы номинаци "музыкант и оркестр"-ы. Ирыстоны минæвар райста фыццаг бынат æмæ Италийы фестивалы æнæаргъæй архайыны сертификат.

Къæбысты Сæрмæт жюрийы зæрдæ балхæдта Ӕлборты Феликсы уацмыс "Концертон пьесæ" æмæ Гæздæнты Булаты "Концертон симд"-æй.

"Тынг æхсызгон мын у, аккагæй кæй равдыстон Хуссар Ирыстоны. Стыр бузныг Культурæйы министрадæн ацы фадаты тыххæй. Стыр бузныг ма мæ зæгъын фæнды конкурсы организатортæн – диссаджы фембæлдтæ æмæ мастер-класстæ. Жюрийы сконды уыдысты Уæрæсе æмæ Италийы культурæйы зындгонд кусджытæ", — загъта Къæбысты Сæрмæт.

Мадзалы архайдтой Итали, Франц, Болгари, Беларусь, Узбекистан, Казахстан, Татарстан, Республикæ Коми, Хъæрæсе-Черкес, Кæсæг-Балхъар æмæ Уæрæсейы æндæр регионты минæвæрттæ.

Сӕйраг темӕтӕ