01:44 27 ТÆРГÆЙТТЫ МÆЙ
 2019
Комкоммӕ эфир
  • EUR72.58
  • USD64.17
Цæгат Иры уæлыстол теннисы чемпионаты призертæ Кокойты Аманда æмæ Джиголаты Диана

Цхинвайлаг теннисисткæтæ ссисты Цæгат Иры чемпионаты призертæ

Из архива М. Джиоева
Хуссар Ирыстоны
Чысыл дӕнцӕг
24 0 0

Æвзист майдан райста Кокойты Аманда, бронзæйон хæрзиуæг та - Джиголаты Диана

ЦХИНВАЛ, 24 дек — Sputnik, Плиты Фатимæ. Хуссарирыстойнаг спортсментæ расгуыхтысты Цæгат Ирыстоны чемпионаты уæлыстол теннисæй — Кокойты Аманда æмæ Джиголаты Диана ссисты ерысты призертæ. Дыууæ чызг дæр райстой балцæгтæ ЦКФЗ ерыстæм, кæцытæ ацæудзысты азы райдайæны, фехъусын кодта Sputnik уæлдæр спортивон дæсныйады скъолайы сæйраг тренер теннисæй Джиоты Мириан.

Дыууæ чызг дæр сты хистæркъласонтæ æмæ сын бар ис тох кæнын куыд хистæр кары спортсменты ʻхсæн, афтæ кæстæрты æмрæнхъ дæр.

"Цæгат Ирыстоны чемпионаты уæлыстол теннисæй æвзист майдан рамбылдта Кокойты Аманда, бронзæйон призер ссис Джиголаты Диана. Дыууæ чызг дæр, ерысты хатдзæгтæм гæсгæ, бакодтой Цæгат Ирыстоны сæйраг æмбырдгонды скондмæ. Январы астæу уыдон Ирыстоны къорды сконды ацæудзысты Цæгат Кавказы федералон зылды ерыстæм", — загъта тренер.

Чызджыты цæттæ кæнынц тренертæ Джиоты Мириан æмæ Уалыты Ирина.

Сӕйраг темӕтӕ