01:53 27 ТÆРГÆЙТТЫ МÆЙ
 2019
Комкоммӕ эфир
  • EUR72.58
  • USD64.17
Хуссар Иры УУМ ирвӕзынгӕнджытӕн радтой хорзӕхтӕ

Хъӕбатыр ӕмӕ ныфсджын: Хуссар Иры УУМ ирвӕзынгӕнджытӕн радтой хорзӕхтӕ

Пресс-служба МЧС РЮО
Хуссар Ирыстоны
Чысыл дӕнцӕг
8 0 0

Хуссар Ирыстоны УУМ кусджытӕн радтой хорзӕхтӕ Ирвӕзынгӕнӕджы боны цытӕн

ЦХИНВАЛ, 27 дек - Sputnik. Хуссар Ирыстоны ирвӕзынгӕнджытӕн раарфӕ кодтой сӕ профессионалон бӕрӕгбоны цытӕн ӕмӕ сӕ схорзӕхджын кодтой майдантӕй, афтӕ ма сын радтой радон сӕрмагонд нӕмттӕ.

Хорзӕхкӕныны рӕстӕджы Уӕлвӕткон уавӕрты министрады (УУМ) кусджытӕн раарфӕ кодта Ирвӕзынгӕнӕджы боны цытӕн министры хӕдивӕг Цоциты Азӕмӕт, хъусын кӕны уагдоны пресс-службӕ.

"Сымах ирвӕзын кӕнут адӕмы, кӕцытӕ бахаудтой зындзинӕдты. Ирвӕзынгӕнӕджы куыст кӕнынц хъӕбатыр ӕмӕ ныфсджын адӕм, ӕмӕ ӕз хъуыды кӕнын, сымахмӕ ацы миниуджытӕ кӕй ис", - загъта министры хӕдивӕг.

Республикӕйы ирвӕзынгӕнджытӕн раарфӕ кодта президент Бибылты Анатолий дӕр, хъусын кӕны паддзахады сӕргълӕууӕджы пресс-службӕ.

"Ирвӕзынгӕнджытӕн ис стыр нысаниуӕг алыгъуызон катастрофӕтӕ аиуварс кӕныны хъуыддаджы. Ацы професси сахуыр кӕнын алкӕмӕн фадат нӕй – хъӕуы дзы профессионализм, хъӕбатырдзинад ӕмӕ хорз физикон цӕттӕкӕнынад", - дзырдӕуы арфӕйы.

Майдантӕй "Цард фервӕзын кӕныны тыххӕй" схорзӕхджын кодтой Пухаты Джабо ӕмӕ Тедеты Цӕрайы, кӕцыдӕр кусджыты схорзӕхджын кодтой ӕхцайы фӕрӕзтӕй. Афтӕ ма мидӕггагон службӕйы дӕлбулкъоны ном райста агурӕн-ирвӕзынгӕнӕн къорды хистӕр Чехойты Алан.

Сӕйраг темӕтӕ