Транскамы рацыд 90 зæййæ фылдæр азы райдайæнæй

© Flickr / travelwayoflifeЗæй
Зæй  - Sputnik Хуссар Ирыстон
Рафыссын
Хуссар Ир æмæ Уæрæсейы ʻхсæн иунæг фæндаг у нырма дæр æхгæд зæйтæ æмæ митуарды аххосæй

ЦХИНВАЛ, 17 янв - Sputnik. Транскавказы автомагистралыл 2019 азы январы ʻрцыд 93 зæйы, уыдонæй 39 фæкодтой æхсгæ, хъусын кæны Цæгат Ирыстоны УУМ пресс-службæ.

Фæндаджы 24-километрон фадыгыл ис 234 зæйцæуæн бынаты. Январы 56-æм зæйрацæуæн бынатæй ʻрцыд 6 мин кубометр бæрц миты, кæцы сæхгæдта фæндаджы уæлцъары 80 метры бæрц.

"Ацы зæй уыд иууыл гуырахстджындæр зæйцæуæн сезонæй – 2018 азы ноябрæй. Ӕдæппæт та ацы рæстæгæй ʻрцыд 200 зæйы бæрц", - дзырдæуы хъусинаджы.

Транскам  - Sputnik Хуссар Ирыстон
Зæйтæ æмæ митуард: Транскам у æхгæд дыккаг бон

УУМ ма бафтыдтой, ирвæзынгæнджытæ æмæ фæндагон службæты хорз куысты фæрцы зæйты рацыды уды зиæнттæ неʻрцыд.

Хуссар Ирыстон æмæ Уæрæсейы ʻхсæн иунæг фæндаг у нырма дæр æхгæд зæйтæ æмæ митуарды аххосæй.

Фæндагон змæлд ам тобæгонд у 15 январæй фæстæмæ.

Ног хабӕртты лентӕ
0