Зарӕггӕнӕг Хуссар Ирӕй рамбылдта музыкалон конкурсы Санкт-Петербурджы

© Из личного архива Ланы ПлиевойПлиты Лана
Плиты Лана - Sputnik Хуссар Ирыстон
Рафыссын
Хуссарирыстойнаг конкурсанттӕ райстой уӕлахиздзауы дипломтӕ Ӕхсӕнадӕмон музыкалон фестивалы Уӕрӕсейы цӕгаттаг столицӕйы, кӕцы ӕрӕмбырд кодта дӕсгай хайадисджыты

ЦХИНВАЛ, 5 фев — Sputnik, Гӕбӕраты Ян. Ӕвзонг зарӕггӕнӕг Хуссар Ирыстонӕй Плиты Лана рамбылдта фыццаг ӕмӕ дыккаг къӕпхӕны дипломтӕ музыкалон конкурс "Мы вместе"-йы Санкт-Петербурджы, музыкалон ӕмӕ кафӕн номинациты хорзӕхтимӕ ӕрыздӕхтысты ӕндӕр хуссарирыстойнаг хайадисджытӕ дӕр. Уый тыххӕй Sputnik радзырдта зарӕггӕнӕг.

"Конкурс цыд ӕртӕ боны. Махӕн бафыстой транспорт ӕмӕ цӕрӕнуат дӕр, ралӕудтӕй дарддӕр ма махӕн уыд цымыдисон программӕ, мастер-класстӕ", - радзырдта Плиты Лана.

Конкурсанттӕ архайдтой вокал, инструменталон музыкӕ, зард ӕмӕ хореографийы номинациты. Дыууӕ хайадисӕг Хуссар Ирыстонӕй – Бибылты Ацӕмӕз ӕмӕ Кокойты Диана – ссисты фыццаг къӕпхӕны лауреаттӕ хореографион конкурсы.

"Музыкалон конкурсы уӕлахиздзауы дипломтӕ райстой Плиты Олег ӕмӕ Быценты Анна-Мария", - радзырдта Плиты Лана.

© Из личного архива Ланы ПлиевойПлиты Лана
Зарӕггӕнӕг Хуссар Ирӕй рамбылдта музыкалон конкурсы Санкт-Петербурджы - Sputnik Хуссар Ирыстон
Плиты Лана

Плиты Лана йӕхӕдӕг райста дипломтӕ "Джазон вокал" ӕмӕ "Саундтрек" номинациты.

Мызкалон фестиваль "Мы вместе", кӕцы сарӕзта 2008 азы зындгонд уӕрӕсейаг композитор Александр Ермолов Санкт-Петербурджы, ацыд 2-4 февралы.

Фестиваль уагъд цӕуы Мӕскуы, Санкт-Петербург, Казань, Новосибирск, Екатеринбург, Самара, Волгоград, Сочи, Суздаль ӕмӕ Чебоксарыйы. Ӕрвылаз ацы цау ӕрӕмбырд кӕны бирӕ хайадисджыты Уӕрӕсе ӕмӕ фӕсарӕнтӕй.

Ног хабӕртты лентӕ
0