ЦХИНВАЛ, 13 фев — Sputnik. Авд мин ӕфсӕддонӕй фылдӕр хайад райсдзысты мотоӕхсӕн ӕмӕ танкон масштабон ротон-тактикон ахуырты, кӕцытӕ райдыдтой Хуссар ӕфсӕддон зылды (ХӔЗ) 15 полигоныл, хъусын кӕны РИА Новости зылды пресс-службӕйы ныхӕстӕ.
Ӕфсӕддонты ахуыртӕ райдайдзысты Цӕгат Ирыстон, Волгоград ӕмӕ Ростовы областы, Кубань, Ставрополь, Хъырым, Адыгей, Дагестан ӕмӕ Мӕхъӕлы, афтӕ ма уӕрӕсейаг ӕфсӕддон базӕты Хуссар Ирыстон, Абхаз ӕмӕ Сомихы.
"Ахуырты хайад райстой уӕрӕсейаг ӕфсӕддон базӕйы мотоӕхсӕн, танкон, артиллерион, зенитон, ракетон ӕмӕ сӕрмагонд дӕлхайӕдтӕ", - загъта пресс-службӕйы хистӕр Вадим Астафьев.
Ахуырты рӕстӕджы ӕфсӕддонтӕ равдисдзысты ӕнӕстандартон архайд ӕмӕ пайда кӕндзысты Сирийы хӕсты фӕлтӕрддзинадӕй.
Иумӕйагӕй ахуырты хайад райсдзысты техникӕйы 2 мин иуӕджы.
