ЦХИНВАЛ, 20 фев - Sputnik. Хуссар Ирыстоны президент Бибылты Анатолий фехъусын кодта, республикӕйы адӕм стыр кӕй аргъ кӕнынц Виталий Чуркины дипломатон уӕлахизӕн 2008 азы. Уый тыххӕй Бибылты Анатолий радзырдта ӕхсӕнадӕмон конференцийыл, кӕцы уыд нывонд Уӕрӕсейы минӕвар Виталий Чуркины мысӕнӕн, хъусын кӕны республикӕйы сӕргълӕууӕджы пресс-службӕ.
Йӕ ралӕуды Бибылты Анатолий радзырдта дипломаты фӕлгонцы тыххӕй Хуссар Ирыстоны историйы фӕсӕттӕн периоды.
Афтӕ ма президент радзырдта конференцийы хайадисджытӕн, Цхинвалы тохты фӕурӕдты рӕстӕджы адӕмы кӕй фӕндыд базонын, цахӕм ахаст дарынц гуырдзиаг агрессимӕ Мӕскуы ӕмӕ дунейы, уый тыххӕй.
"Нӕ адӕммӕ афтӕ каст, ома Виталий Чуркин ныхас кӕны сӕ номӕй. Виталий Чуркины дипломатон уӕлахизӕн стыр аргъ кӕнынц Хуссар Ирыстоны, уый у Республикӕйы бӕрзонддӕр хорзӕх – Уауамонгӕйы ордены кавалер. Ацы хорзӕх раттынц стыр сгуыхтдзинӕдтӕ, хъӕбатырдзинад ӕмӕ ӕхсары тыххӕй, кӕцытӕ равдисынц тохты рӕстӕджы", - бахахх кодта Бибылты Анатолий.
Конференци ацыд Уӕрӕсейы ФХМ Дипломатон Академийы. Хайад дзы райстой Уӕрӕсейы фӕсарӕйнаг хъуыддӕгты министр Сергей Лавров, Хуссар Ирыстоны минӕвар Уӕрӕсейы Гасситы Знауыр, УФ Паддзахадон думӕйы ӕхсӕнадӕмон хъуыддӕгты фӕдыл комитеты сӕрдар Леонид Слуцкий, академийы ректоры хӕстӕ ӕххӕстгӕнӕг Михаил Троянский.
Йӕ ралӕуды рӕстӕджы Сергей Лавров банысан кодта, Виталий Чуркин кӕй уыд стыр профессионал.
Афтӕ ма ФХМ сӕргълӕууӕг бафтыдта, фӕсарӕйнаг коллегӕтӕ дӕр кӕй аргъ кодтой Виталий Чуркины куыстӕн ӕмӕ йӕ хуыдтой "дипломатийы маэстро".
