ЦХИНВАЛ, 21 фев — Sputnik, Плиты Фатимӕ. Горӕты администрацийы культуӕ, фӕсивӕдон политикӕ ӕмӕ спорты управленийы дӕлбар Культурӕйы хӕдзар хоны сфӕлдыстадон кружоктӕм, фехъусын кодта Sputnik управленийы разамонӕг Тасойты Игорь.
Театр, кӕцы рӕстӕгмӕ куыста Профцӕдисты хӕдзары, йӕ ног бӕстыхаймӕ куы ацыд, уӕдӕй фӕстӕмӕ Профцӕдисты бӕстыхай ӕрфысым кодта Культурӕйы хӕдзары.
"Ахуыр цӕудзӕн аивады ахӕм здӕхӕнты куыд нырыккон кӕфтытӕ, зард, драмкружок, афтӕ ма ахуыр кӕндзысты доули, саксофон ӕмӕ гитарайыл цӕгъдын, уӕвынад ма дзы кӕндзӕн компьютерон курсытӕ дӕр. Ногдзинӕдты тыххӕй фехъусын кодтам дыууӕ бон размӕ, уӕдӕй фӕстӕмӕ бацымыдис кодтой 15 адӕймаджы бӕрц", - загъта Тасойты Игорь.
Кружокты ахуыр цӕудзӕн аргъыл, ныридӕгӕн ист цӕуынц куырдиӕттӕ, уый фӕстӕ фидаргонд ӕрцӕудзысты къордтӕ.
Ам ахуыртӕ рацӕуынӕн нӕй карон арӕнтӕ.
