ЦХИНВАЛ, 12 мар - Sputnik. Фӕскавказы ӕдасдзинады фӕдыл ӕхсӕнадӕмон дискусситы хайадисджытӕ уӕрӕхдӕр хъуамӕ пайда кӕной инциденттæ ма руадзыны æмæ сæ аиуварс кæныны механизмтӕй (ИӔАМ), фехъусын кодта Цхинвалы фембӕлды рӕстӕджы Евроцӕдисы минӕвар женеваг дискусситы Тойво Клаар.
Апрелы Женевайы ацӕудзӕн Фӕскавказы ӕдасдзинады фӕдыл дискусситы радон раунд, кӕцыйы хайад райсдзысты Хуссар Ирыстон, Абхаз, Уӕрӕсе, Гуырдзыстон, АИШ, ИНО, ОБСЕ ӕмӕ ЕЦ минӕвӕрттӕ.
Хуссар Ирыстоны президенты ӕххӕстбарджын минӕвар Джиоты Мурӕт фембӕлд минӕвӕрттимӕ ӕмӕ баныхасы размӕ загъта тӕфӕрфӕс ИНО минӕвӕрттӕн сӕ кусджыты амӕлӕты тыххӕй авиакатастрофӕйы Эфиопийы.
"Тӕфӕрфӕс кӕнын Эфиопийы адӕм ӕмӕ ӕндӕр бӕстӕтӕн, кӕцыты ӕмбӕстӕгтӕ фӕмард сты ацы трагедийы", - загъта Джиоты Мурӕт.
Ӕххӕстбарджын минӕвар загъта бузныг минӕвӕрттӕн сӕ хъусдарды тыххӕй проблемӕтӕм ӕмӕ баныфсӕвӕрдта, Женевӕйы радон раунд кӕй ӕрхӕсдзӕн хорз фӕстиуджытӕ.
Тойво Клаар саргъ кодта ИӔАМ форматы ивгъуыд фембӕлдӕн.
"Фӕстаг фембӕлд ацыд конструктивон атмосферӕйы ӕмӕ уый фӕдыл фарсытӕн уӕрӕхдӕр хъӕуы пайда кӕнын ИӔАМ-ы фадаттӕй", - банысан кодта Тойво Клаар.
ИӔАМ-ы форматы фембӕлдтӕ уадзынц иудадзыгӕй 2009 азӕй фӕстӕмӕ. Уыдоны хайад исынц Хуссар Ирыстоны, Уӕрӕсейы ӕмӕ Гуырдзыстоны минӕвӕрттӕ, ӕмӕ сӕ уадзынц ОБСЕ ӕмӕ Евроцӕдисы ӕххуысӕй.
