ЦХИНВАЛ, 18 мар — Sputnik, Плиты Фатимӕ. Хуссар Ирыстоны столицӕ исдзӕн дон графикмӕ гӕсгӕ. Уалдзыгон доны кризисы аххосӕй "Водоканал" сфидар кодта донифтонгады ног график, фехъусын кодтой Sputnik горӕты администрацийы пресс-службӕйы.
Ахӕм проблемӕтыл Цхинвал сӕмбӕлы алкӕцы уалдзӕг дӕр. Горӕт донæй ифтонг цæуы доны хæтæл Едыс–Цхинвалæй. Ацы магистралон хаххмæ дон цы цыппар къалиуæй цӕуы, уыдонæй дыууæ — Дзомагъ æмæ Брытъат — сты гом. Уалдзæджы донивылдты рæстæджы уыдон бахъæуы ахицæн кæнын.
"Горæты цӕгаттаг хай дон исдзысты райсом 6 сахатæй фæстæмæ, изӕры — 18:00 сахатӕй фӕстӕмӕ — дон хæццæ кæндзæн Харебаты Исахъхъæй дæлæмæ уынгтӕм. Микрорайонтӕ "Московский" ӕмӕ "БАМ"-ы донифтонгад ӕрлӕудзӕн ӕрмӕстдӕр боны 12.00 - 17.00 сахатмӕ", — радзырдтой мэрияйы.
Доны проблемӕтӕ ахӕсдзысты сӕрды онг. Бындуронæй та донифтонгады проблемæ Цхинвалы аскъуыддзаг кæндзӕн Инвестицион нывæзты фæлгæтты Уанат-Цхинвалы фæстауæрцон доныхæтæлы арӕзтад.
