ЦХИНВАЛ, 26 мар - Sputnik. Уголовон агуырд ӕмӕ МСНК кусджытӕ ссардтой Хуссар Ирыстоны Дзауы районы гӕны банкӕ, кӕцы уыд Абанойы хъӕуы 33-аздзыд цӕрӕджы, хъусын кӕны республикӕйы Мидхъуыддӕгты министрады (МХМ) пресс-службӕ.
Наркотикон буарад ссардтой басгӕрсты рӕстӕджы. Криминалистон экспертизӕ сбӕрӕг кодта, банкӕйы кӕй уыд гӕн, кӕцыйы уӕз у 200 грамм.
Гӕн
© Пресс-служба МВД РЮО
МХМ банысан кодтой, нӕлгоймаг фехӕлдта уголовон кодексы "наркотикон, кӕнӕ психотропон буарадтӕ ӕлхӕнын, ӕвӕрын ӕмӕ ласыны фӕдыл" статья.
