Хуынд зарынмӕ: Цхинвалы ацӕудзӕн хорты фестиваль

© Sputnik / Чехойты ИнгаЦхинвалы ацӕудзӕн хорты фестиваль
Цхинвалы ацӕудзӕн хорты фестиваль - Sputnik Хуссар Ирыстон
Рафыссын
Конкурсы домӕнмӕ гӕсгӕ алкӕцы коллектив дӕр хъуамӕ сӕххӕст кӕна фӕйнӕ зарӕг ирон ӕмӕ уырыссаг ӕвзӕгтыл

ЦХИНВАЛ, 3 апр – Sputnik, Плиты Фатимӕ. Ахуырады министрад хоны скъолаты хортӕ ӕппӕтреспубликон фестиваль "Песни, рожденные сердцем"-ы хайадистмӕ. Ӕрвылазон мадзал ацӕудзӕн 17-18 апрелы, ныридӕгӕн уагдон исы куырдиӕттӕ, фехъусын кодта Sputnik министрады уæлæмхас ахуырад æмæ хъомылады хайады хистæр Джиоты Эльза.

II рок-фестиваль Ирон-рок - Sputnik Хуссар Ирыстон
Легендӕты изӕр: Цхинвалы ацыд II рок-фестиваль "Ирон-рок"

Конкурсы домӕнмӕ гӕсгӕ алкӕцы коллектив дӕр хъуамӕ сӕххӕст кӕна фӕйнӕ зарӕг паддзахадон ӕвзӕгтыл – ирон ӕмӕ уырыссагыл.

"Фестивалы сархайыны бар ис ӕппӕт скъолаты хортӕн. Ныридӕгӕн ист цӕуынц куырдиӕттӕ. 17 апрелы уыдзӕн конкурсон ӕвзӕрст, иу боны фӕстӕ та гала-концерт ӕмӕ уӕлахиздзаутӕ ӕмӕ призерты хорзӕхкӕнын ӕмӕ цыт кӕныны церемони", - загъта Джиоты Эльза.

Фестиваль "Песни, рожденные сердцем" цӕуы ныр цалдӕр азы дӕргъы.

"Авд азы бӕрц уадзӕм фестиваль, уӕдӕй нырмӕ сцайдагъ ацы хаххыл куыст – цадӕггай стыр скъолаты фӕзынд хорты коллективтӕ. Уый уыд нӕ сӕйраг нысан. Стӕй ма, кӕй зӕгъын ӕй хъӕуы, рабӕрӕг кӕнӕм хуыздӕр хъӕлӕстӕ, разӕнгард кӕнӕм зарынмӕ кӕстӕр фӕлтӕрты", - бафтыдта уый.

Йӕ ныхӕстӕм гӕсгӕ, ивгъуыд азты ацы конкурсты расгуыхтысты фыццӕгӕм скъола, гимнази "Альбион", 12-ӕм скъола, скъола-интернат ӕмӕ ӕндӕртӕ.

Ног хабӕртты лентӕ
0