23:15 18 СУСÆНЫ МÆЙ
 2019
Комкоммӕ эфир
  • EUR70.61
  • USD62.83
Бибылты Анатолийы фембӕлд 1989-2008 ӕзты хӕсты ветеранты Цӕдисы ӕхсӕнадон организаци Гордость Осетии-Алании-йы минӕвӕрттимӕ

Бибылты Анатолий банхъардта Хуссар Иры хӕсты ветерантӕм ӕрбаиу кӕнын сӕ тыхтӕ

© Пресс-служба президента РЮО.
Хуссар Ирыстоны
Чысыл дӕнцӕг
4210

Хуссар Ирыстоны президент банысан кодта, ветерантӕ иугонд кӕй не сты, уый пайда у "алыгъуызон политикон тыхтӕн"

ЦХИНВАЛ, 12 апр - Sputnik. Хуссар Ирыстоны сӕргълӕууӕг Бибылты Анатолий банхъардта хӕдӕфсӕддонтӕ ӕмӕ хӕсты ветерантӕм, цӕмӕй саразой иумӕйаг стыр организаци. Уый тыххӕй президент фехъусын кодта 1989-2008 ӕзты хӕсты ветеранты Цӕдисы ӕхсӕнадон организаци "Гордость Осетии-Алании"-йы минӕвӕрттимӕ фембӕлды рӕстӕджы, хъусын кӕны паддзахады сӕргълӕууӕджы пресс-службӕ.

Встреча Анатолия Бибилова с представителями республиканской общественной организации Союза ветеранов войны 1989-2008 гг. в Осетии Гордость Осетии-Алании
© Пресс-служба президента РЮО.
Бибылты Анатолийы фембӕлд 1989-2008 ӕзты хӕсты ветеранты Цӕдисы ӕхсӕнадон организаци "Гордость Осетии-Алании"-йы минӕвӕрттимӕ

"Махмӕ ис бирӕ ветерантӕ, абон дзы ам ис сӕ чысыл хай. Уый фӕдыл нӕ хъӕуы ауадзын хӕсты ветеранты иумӕйаг уанел, ӕмӕ уый фӕстӕ уыдзӕн фадат ӕрбаиу кӕнын иунӕг стыр ӕмӕ фидар организацимӕ", - банхъардта президент.

Президент банысан кодта, ветерантӕ иугонд кӕй не сты, уый пайда у ӕрмӕстдӕр алыгъуызон политикон тыхтӕн.

"Уӕ тых ис иудзинады. Ӕмӕ сымах уый хъуамӕ ӕмбарат. Алкӕцы политикон тых дӕр алыхатт дӕр фӕнд кодта ӕмбырд кӕнын "йӕхи" ветеранты. Уый фӕстиуӕгӕн махмӕ ис дӕсгай аналогион организацитӕ", - загъта Бибылты Анатолий.

Фембӕлды рӕстӕджы ма ӕрдзырдтой 1989-2008 ӕзты хӕсты хайадисджыты статусы фарстыл.

Организацийы сӕрдар Джиоты Ростислав банысан кодта, кӕй хъӕуы бахӕссын ивындзинӕдтӕ Ветеранты фӕдыл законмӕ, кӕцытӕ баст сты сӕ статусимӕ.

Сӕйраг темӕтӕ