05:40 24 ХУЫМГÆНÆНЫ МÆЙ 2019
Комкоммӕ эфир
  • EUR71.75
  • USD63.79
Хуссар Иры президент уыдзӕн республикӕйы делегацийы сӕргълӕууӕг Ялтайы V форумыл

Хуссар Иры президент уыдзӕн республикӕйы делегацийы сӕргълӕууӕг Ялтайы V форумы

© Пресс-служба президента РЮО.
Хуссар Ирыстоны
Чысыл дӕнцӕг
14 0 0

Ялтайы ӕхсӕнадӕмон экономикон форумы фӕлгӕтты бафысдзысты бадзырд Хуссар Ирыстоны хицауад ӕмӕ Хъырымы министрты советы хсӕн

ЦХИНВАЛ, 16 апр - Sputnik. Хуссар Ирыстоны делегаци президент Бибылты Анатолийы сӕргълӕудӕй хайад райсдзӕн Ялтайы V ӕхсӕнадӕмон экономикон форумы, хъусын кӕны паддзахады сӕргълӕууӕджы пресс-службӕ.

Делегацийы сконды сты республикӕйы хицауады сӕрдары хӕдивӕг Бекъойты Геннадий, ФХМ сӕргълӕууӕг Медойты Дмитрий, Цхинвалы администрацийы сӕргълӕууӕг Коцты Алан ӕмӕ базарадон-сӕудӕджерадон палатӕйы сӕрдар Ӕлборты Алан.

Форумы фӕлгӕтты бафысдзысты бадзырд Хуссар Ирыстоны хицауад ӕмӕ Хъырымы министрты советы хсӕн базарадон-экономикон, зонадон-техникон ӕмӕ культурон ӕмгуыстады фӕдыл, дзырдӕуы хъусинаджы.

Бадзырдмӕ гӕсгӕ сараздзысты уавӕртӕ дыууӕварсон бастдзинӕдты райрӕзтӕн экономикӕйы алыгъуызон фадгуыты. Афтӕ ма райтынг кӕндзысты ӕмгуыстад туризм ӕмӕ спорты фадгуыты дӕр.

Ноджы ма бафысдзысты бадзырд Цхинвал ӕмӕ Керчы ӕхсӕн хӕларады фӕдыл.

Ялтайы экономикон форум уагъд цӕуы ӕрвылаз 2015 азӕй фӕстӕмӕ. Ацы аз форум ацӕудзӕн 18-20 апрелы.

Сӕйраг темӕтӕ