05:55 24 ХУЫМГÆНÆНЫ МÆЙ 2019
Комкоммӕ эфир
  • EUR71.75
  • USD63.79
Хуссар Ир ӕмӕ Уӕрӕсейы ӕфсӕддонтӕ райдыдтой цӕттӕ кӕнын Уӕлахизы парадмӕ

Хуссар Ир ӕмӕ Уӕрӕсейы ӕфсӕддонтӕ райдыдтой цӕттӕ кӕнын Уӕлахизы парадмӕ

Хуссар Ирыстоны
Чысыл дӕнцӕг
14 0 0

Республикӕйы хъахъхъӕнынады министрад ӕмӕ уӕрӕсейаг базӕйы ӕфсӕддонтӕ цӕттӕ кӕнынц парадмӕ, кӕцы ацӕудзӕн Цхинвалы центры 9 майы

ЦХИНВАЛ, 17 апр - Sputnik. Хуссар Ирыстоны столицӕйы ацыд фыццаг иумӕйаг тренировкӕ ӕфсӕддон парадмӕ, кӕцы нывонд у Стыр Фыдыбӕстӕйон хӕсты Уӕлахизыл 74 азы сӕххӕсты цытӕн. Уӕрӕсейы хъахъхъӕнынады министрады 4-ӕм гвардейон ӕфсӕддон базӕйы плацыл ацыдысты тренировкӕтӕ РХИ гарзджын тыхты генаралон штабы хистӕр, инӕлар-майор Виктор Федоровы къухдариуӕгады бын.

"Тренировкӕты хайад райстой хъахъхъӕнынады министрад, мидхъуыддӕгты министрад, уӕлвӕткон уавӕрты министрад, паддзахадон ӕдасдзинады комитеты арӕнгӕрон службӕ ӕмӕ 4-ӕм уӕрӕсейаг ӕфсӕддон базӕйы парадон къордтӕ. Тренировкӕты рӕстӕджы хуыздӕр кӕнынц парадон къордтӕ ӕмӕ цытджын хъарагъулы архайд", - дзырдӕуы республикӕйы хъахъхъӕнынады министрады пресс-службӕйы хъусинаджы.

Цалдӕр боны фӕстӕ цӕттӕкӕнынадмӕ ӕрбаиу уыдзысты Хуссар Ирыстоны мидхъуыддӕгты министрады ӕмӕ хъахъхъӕнынады министрады сылгоймаг ӕфсӕддонты парадон къордтӕ дӕр. Афтӕ ма парады фыццаг хатт хайад райсдзӕн юстицийы министрады парадон къорд.

Уӕлахизы парад Цхинвалы центры 9 майы райсдзӕн Хуссар Ирыстоны хъахъхъӕнынады министр, инӕлар-лейтенант Гассеты Ибрагим.

Сӕйраг темӕтӕ