Цхинвалы ӕрцахстой дукани адавӕджы

© Sputnik / Диана КозаеваКассӕйон аппарат
Кассӕйон аппарат - Sputnik Хуссар Ирыстон
Рафыссын
Фыдгӕнӕг дуканийӕ ахаста базайрӕгтӕ ӕмӕ ӕхца - давӕггӕгты иумӕйаг суммӕ рацыд 80 мин сомы

ЦХИНВАЛ, 17 май - Sputnik. Барадхъахъхъӕнӕг огранты кусджытӕ Цхинвалы ӕрцахстой дукани адавӕг фыдгӕнӕджы, хъусын кӕны Хуссар Иры МХМ пресс-службӕ.

© МВД РЮОЦхинвалы ӕрцахстой дукани адавӕджы
Цхинвалы ӕрцахстой дукани адавӕджы - Sputnik Хуссар Ирыстон
Цхинвалы ӕрцахстой дукани адавӕджы

Адавды тыххӕй милицимӕ фехъусын кодта Цхинвалы 49-аздзыд цӕрӕг, дуканийы хицау. Йӕ ныхӕстӕм гӕсгӕ, дуканийӕ адавтой базайрӕгтӕ ӕмӕ ӕхца, зиан иумӕйагӕй банымадта 80 мин сомы аргъ.

"Оперативон-сгарӕн мадзӕлтты руаджы Цхинвалы милицийы хайады кусджытӕ уайтагъддӕр сбӕрӕг кодтой ӕмӕ ӕрцахстой зӕрдӕхсайгӕ адӕймаджы - горӕты 25-аздзыд цӕрӕджы. Уый басаст йӕ фыдракӕндыл. Давӕггӕгты иу хай раздӕхтой сӕ хицауӕн", - дзырдӕуы хъусинаджы.

Фыдгӕнӕг бакодтой МХМ рӕстӕгмӕдарӕн изолятормӕ, цауы фӕдыл басгӕрст уадзы Цхинвалы мидхъуыддӕгты хайад.

 

Ног хабӕртты лентӕ
0