10:36 21 МАЙРÆМТЫ МÆЙ 2019
Комкоммӕ эфир
  • EUR73.98
  • USD66.78
Хуссар Иры цӕрӕг бахауд рынчындонмӕ газы баллоны срӕмыгъды фӕстиуӕгӕн

Хуссар Иры цӕрӕг бахауд рынчындонмӕ газы баллоны срӕмыгъды фӕстиуӕгӕн

Пресс-служба МЧС РЮО
Хуссар Ирыстоны
Чысыл дӕнцӕг
45 0 0

Нӕлгоймаг ласта газы баллон йӕ хӕдтулгӕйы

ЦХИНВАЛ, 24 май - Sputnik. Хуссар Ирыстоны Ленингоры районы Абреуы хъӕуы цӕрӕджы хӕдтулгӕйы спырх ис газы баллон, хъусын кӕны республикӕйы Уӕлвӕткон уавӕрты министрады (УУМ) пресс-службӕ. 1967 азы гуырд нӕлгоймаг райста дыккаг къӕпхӕны буары сыгъдтӕ.

"Елойты Сограты Фырт Василий ласта йӕ хӕдтулгӕйы газы баллон, кӕцы спырх. Шофыры аластой Ленингоры поселочы рынчындонмӕ", - фехъусын кодтой уагдоны.

Уымӕй дарддӕр ма УУМ радзырдтой уӕлвӕткон цауы тыххӕй - "Мӕскуыйаг" микрорайоны дӕр ӕрцыд газы срӕмыгъд. Хӕдзары хицӕуттӕ нӕ фӕхатыдысты газы тӕф ӕмӕ фӕнд кодтой ссудзын дон тӕвдгӕнӕн колонкӕ. Срӕмыгъды фӕстиуӕгӕн зианбаййафджытӕ нӕй.

"Цауы бынатмӕ ацыдысты зынгфӕдисонтӕ ӕмӕ ирвӕзынгӕнджытӕ, афтӕ ма аварийон-газон службӕйы кусджытӕ. Зынгфӕдисонты архайды руаджы аиуварс кодтой зынгсирвӕзт хӕдзары. Аварийон-газон службӕйы кусджытӕ та аиуварс кодтой газы проблемӕ", - дзырдӕуы хъусинаджы.

УУМ ӕрсидт ӕмбӕстӕгтӕм, цӕмӕй хъавгӕ архайой газы ифтонгадимӕ. Республикӕйы цӕрджытӕн сӕ бон у уӕлвӕткон уавӕры рӕстӕджы фӕдзурын ацы номыртӕм: 112, 45-18-00 (стационарон), ӕмӕ 810-10-01 (мобилон).

Сӕйраг темӕтӕ