10:00 19 ХУРХÆТÆНЫ МÆЙ
 2019
Комкоммӕ эфир
  • EUR72.23
  • USD64.34
Дзауы районы арæзт цæуы бирæфатерон хæдзар

Дзауы районы арæзт цæуы бирæфатерон хæдзар

Фото пресс-службы Дзауского района
Хуссар Ирыстоны
Чысыл дӕнцӕг
50 0 0

Азы кæронмæ республикон трассæйы цур амад фæуыдзæн æсдæсфатерон бæстыхай

ЦХИНВАЛ, 30 май — Sputnik, Плиты Фатимӕ. Хуссар Иры Дзауы районы бавнæлдтой æртæуæладзыгон хæдзары арæзтадмæ. Бæстыхай æрбынат кодта зындгонд санаторий "Дзау"-ы фарсмæ уæвæг сæрдыгон лагеры бынаты, фехъусын кодта Sputnik районы администрацийы пресс-секретарь Тедеты Лиана.

Бæстыхай амад цæуы Инвестицион нывæзты фæлгæтты, æнгæс арæзтадон куыстытæ æххæст кæнынц Знауры районы дæр.

"Ацы азы нывæзтмæ гæсгæ республикон трассæмæ хæстæг, раздæры санаторий "Дзау"-ы цур бындур æвæрд æрцыд æсдæсфатерон бæстыхайы арæзтадæн. Фæндмæ гæсгæ арæзтад хъуамæ балхынцъ уа азы кæронмæ. Арæзтадон куыстыты архайынц бынæттон цæрджытæ дæр", - загъта Тедеты Лиана.

Уый ма банысан кодта, хæдзæртты уарыны фарст нырма лыг неʻрцыд.

Строящиеся  многоквартирные дома в поселке Дзау
Фото пресс-службы Дзауского района
Дзауы районы бавнæлдтой æртæуæладзыгон хæдзары арæзтадмæ

Сӕйраг темӕтӕ