17:33 16 РУХÆНЫ МÆЙ 2019
Комкоммӕ эфир
  • USD63.83
  • EUR70.67
Белоруссийы МХМ-йы хистæрæй нысангонд æрцыд ирон

Белоруссийы МХМ-йы хистæрæй нысангонд æрцыд ирон

© Sputnik / Александр Шурмелев
Хуссар Ирыстоны
Чысыл дӕнцӕг
20 0 0

Уый нырмæ куыста мидхъуыддæгты министры хæдивæджы — сæрмагонд æфсæдты командæгæнæджы бынаты

ЦХИНВАЛ, 11 июн — Sputnik. Белоруссийы президент Александр Лукашенко дыццæджы сæ бæстæйы мидхъуыддæгты министры бынатмæ снысан кодта цæгатирыстонæй ацæугæ Хъараты Юрийы, хъусын кæны 15-й Регион.

Уый нырмæ куыста мидхъуыддæгты министры хæдивæджы — сæрмагонд æфсæдты командæгæнæджы бынаты.

"Хъараты Юрий Цæгат Ирыстонæй рацæугæ у. Белоруссимæ ацыд 1987 азы. 2009 азæй куыста мидхъуыддæгты министрады сæрмагонд æфсæдты оперативон æмæ хæстон цæттæдзинады хицауы фыццаг хæдивæджы бынаты", - дзырдæуы хъусинаджы.

Биографи

Хъараты Юрий каст фæци Саратовы УФ мидхъуыддæгты министрады сæрмагонд æфсæдты Дзержинскийы номыл уæлдæр æфсæддон командон Сырхтырысайы ахуыргæнæндон.

1987 азы æрвыст æрцыд Белоруссимæ, уым Могилевы райдыдта службæ кæнын.

Хъараты Юрий фæлтæрдджын у алыхуызон сæрмагонд бригадæтæн разамынд дæттыны хъуыддаджы: уый уыд Гомелы милицæйы бригады командæгæнæг, разамынд лæвæрдта Бобруйскы милицæйы батальонæн, уыд Дмитрий Павличенкойы 3214 æфсæддон хайы комбат.

2008 азы октябры мæйы бацахста Белоруссийы мидхъуыддæгты министрады сæрмагонд æфсæдты 3-аг хицæн Сырхтырысайы бригады командиры бынат.

Сӕйраг темӕтӕ