18:15 19 СУСÆНЫ МÆЙ
 2019
Комкоммӕ эфир
  • EUR70.79
  • USD62.87
Ансамбль Алан

Ансамбль "Алан"-æн Цхинвалы ацæудзæн концерт

© Sputnik / Наталья Айриян
Хуссар Ирыстоны
Чысыл дӕнцӕг
34 0 0

Цæгат Иры сæйраг ансамбль фыццаг хатт равдисдзæн йæ арæхстдзинад Паддзахадон драмон театры сценæйыл

ЦХИНВАЛ, 17 июн — Sputnik, Плиты Фатимæ. Цæгат Ирыстоны паддзахадон академион ансамбль "Алан" рцæудзæн концертимæ Цхинвалмæ. Уазæг ансамбль фыццаг хатт ралæудзæн паддзахадон драмон театры ног бæстыхайы сценæйыл, фехъусын кодтой Sputnik ПДТ пресс-службæйы.

Концерт ацæудзæн 28 июны, 18.30 сахатыл.

"Цæгат Ирыстоны паддзахадон академион ансамбль "Алан" ралæудзæн традицион нывæзтимæ. Хуссар Иры цæрджытæн фадат уыдзæн ирон хореографийы хуыздæр номыртæ фенын уазæг артистты æххæстæй", - загътой пресс-службæйы.

Цæгат Ирыстоны паддзахадон академион ансамбль "Алан"-æн бындур æвæрд æрцыд 1938 азы зындгонд композитор Кокойты Тæтæрхъаны хъæппæрисæй. Ныртæккæ ансамблы ис 61 адæймаджы. "Алан" хорзæхджын у бирæ æппæтдунеон фестивальты майдантæй. У Хетæгкаты Къостайы номыл премийы лауреат, æппæтуæрæсеон æмæ дунеон æркастыты уæлахиздзау. Адæмы рæгъмæ хæссынц 24 кафты.

Сӕйраг темӕтӕ