22:48 20 КÆФТЫ МÆЙ
 2019
Комкоммӕ эфир
  • EUR71.13
  • USD63.95
Цхинвалы бакодтой æвзонг нывгæнджыты равдыст

Лицеисттæ: Цхинвалы бакодтой æвзонг нывгæнджыты равдыст

© Sputnik / Наталья Айриян
Хуссар Ирыстоны
Чысыл дӕнцӕг
28420

Хуызфыссынад æмæ графикæйы хаххыл куыстытæй сфæлыстой ПККЗ "Чермен"-ы фойе

ЦХИНВАЛ, 19 июн — Sputnik, Плиты Фатимæ. Цхинвалы бакодтой хуссарирыстойнаг æвзонг нывгæнджыты баиугонд "Tskhinval 5"-ы равдыст. Хуызфыссынад æмæ графикæйы хаххыл куыстытæй сфæлыстой ПККЗ "Чермен"-ы фойе.

Сфæлдыстадон баиугонд "Tskhinval 5"-ы сконды ис фондз нывгæнæджы: Дзæгъиаты Альбина, Саулохты Георгий, Дзигойты Карина, Кокойты Мария æмæ Кæсойты Алан, фыццаг цыппар рахастой се 'сфæлдыстад адæмы размæ. Сфæлдыстадон кусджыты иу кæны Колыты Аксойы номыл лицей – ам ахуыргæнæгæй кусы Дзæгъиаты Альбина, аннæ нывгæнджытæ та йæ къухдариуæгадæй арæзтой сæ фыццаг хæххытæ четæныл.

"Ӕз ахуыр кодтон Кæсойты Лаврентиймæ. Саулохты Георгий æмæ Дзигойты Карина та сты мæ ахуыргæнинæгтæ. Ахуыргæнджытæ æмæ ахуырдзаутæ иумæ кæй архайынц равдыстты, уый дæр лæварау у", - загъта Дзæгъиаты Альбина.

Мадзал нывонд уыд Уæрæсейы бонæн æмæ ацыд Россотрудничествойы минæварады æмархайдæй.

Выставка молодых художников
© Sputnik / Наталья Айриян
Дзæгъиаты Альбина

"Уæрæсейы боны цытæн сфæлдыстадон баиугонд "Tskhinval 5" æмæ Россотрудничество сарæзтой равдыст. Ацы хатт стæм цыппарæй – Кæсойты Аланæн нæ бантыст хайад райсын равдысты. Мах фылдæр бæрцæй баст стæм лицейимæ - уым ахуыр кодтам, науæд куыстам. Зæгъæн ис, абон ам бавдыстгонд æрцыд лицейы нывкæнынады скъола", - загъта Саулохты Георгий.

Выставка молодых художников
© Sputnik / Наталья Айриян
Саулохты Георгий

Сæ куыстыты нывгæнджытæ равдыстой Ирыстоны æрдз, фендаг бынæттæ æмæ рагон Цхинвал, куысты егъау хай æххæст æрцыд графикæйы здæхæны.

"Мах стæм æввахс æмбæлттæ. Алкæцы нывгæнæг дæр у нæ у индивидуалон æмæ иууыл стырдæр хорздзинад уый мидæг ис. Георгийы аивад у арф æмæ хъуыдыджын, Карина тынг æмбары аивады ногдзинæдтæ, Альбина Владимиры чызгæн та йе сфæлдыстад у классикон, лирикон, фыццаг бакастæй зæрдæ æлхæны", -  загъта Кокойты Мария.

Выставка молодых художников
© Sputnik / Наталья Айриян
Кокойты Мария

Равдыстмæ æрбацыдысты культурæ æмæ ахуырады министртæ – Зассеты Жанна æмæ Гасситы Натали, Уæрæсейы минæвар Хуссар Ирыстоны Марат Кулахметов æмæ Россотрудничествойы бынæттон хайады хистæр Сергей Скворцов.

  • Дзигойты Карина
    Дзигойты Карина
    © Sputnik / Наталья Айриян
  •  Цхинвалы бакодтой æвзонг нывгæнджыты равдыст
    Цхинвалы бакодтой æвзонг нывгæнджыты равдыст
    © Sputnik / Наталья Айриян
  •  Цхинвалы бакодтой æвзонг нывгæнджыты равдыст
    Цхинвалы бакодтой æвзонг нывгæнджыты равдыст
    © Sputnik / Наталья Айриян
  •  Цхинвалы бакодтой æвзонг нывгæнджыты равдыст
    Цхинвалы бакодтой æвзонг нывгæнджыты равдыст
    © Sputnik / Наталья Айриян
  •  Цхинвалы бакодтой æвзонг нывгæнджыты равдыст
    Цхинвалы бакодтой æвзонг нывгæнджыты равдыст
    © Sputnik / Наталья Айриян
1 / 5
© Sputnik / Наталья Айриян
Дзигойты Карина

Сӕйраг темӕтӕ