23:14 20 КÆФТЫ МÆЙ
 2019
Комкоммӕ эфир
  • EUR71.13
  • USD63.95
Рауагъдон бал-2019

Цхинвалы ацыд рауагъдонты бал-2019

© Sputnik / Элина Габараева
Хуссар Ирыстоны
Чысыл дӕнцӕг
74 0 0

Сырх гауызыл рацыдысты 519 рауагъдоны республикæйы сæйраг горæт æмæ районтæй

ЦХИНВАЛ, 23 июн — Sputnik, Гæбæраты Элина. Хуссарирыстойнаг столицæйы сæйраг фæзуатыл хуыцаубоны ацыд рауагъдонты бал. "Рауагъдон-2019"-ы сырх гауызыл рацыд Цхинвал æмæ районты скъолаты 519 рауагъдоны.

Рауагъдонты парад адарддæр кодта бæрæгбонон программæ, хайад дзы райста бæстæйы сæргълæууæг Бибылты Анатолий.

Выпуск-2019
© Sputnik / Элина Габараева
Рауагъдонты бал-2019

Уый банысан кодта, скъолайы фæуд кæй у ног рæсугъд цардмæ фæндаджы райдайæн.

"Абон æз ам дæр дыууæ ипостасы - куыд президент æмæ куыд рауагъдоны ныййарæг. Уæ ахуыргæнджытæ æппæт ацы рæстæджы арæзтой алцыдæр, цæмæй сахуыр кæной сымах Иростоны культурæ æмæ традицитæ", - загъта президент.

Бæрæгбон сæ ралæудтæ баххæст кодтой хуссарирыстойнаг зарæггæнджытæ Бекъойты Вано, Джиоты Люба, паддзахадон ансамбль "Симд", æвзонг гимнасткæтæ. Уымæй дарддæр ма рауагъдонты ирхæфстой алыгъуызон цымыдисон конкурстæ æмæ хъæзтытæй. Рауагътонтæ сæ ахуыргæнджытимæ акафыдысты симд æмæ ссыгътой цырæгътæ сæ бæрæгбонон тортыл.

Выпуск-2019
© Sputnik / Элина Габараева.
Рауагъдонты бал-2019

Сидзæр сывæллæттæн абоны балмæ сæхи бацæттæ кæнынæн баххуыс кодтой æхсæнадæмон хыгъдон банчы кусджытæ. Ахæм рауагъдонтæ ацы аз республикæйы уыд 48.

Бæрæгбоны цытджын хай ахицæн ис фейерверкæй, уый фæстæ хъæлдзæгдзинад адарддæр ис Театралон фæзуаты, цыран рауагъдонтæн арæзт æрцыд дискотекæ.

Сӕйраг темӕтӕ