Цхинвалмæ æрцæудзæн зоопарк "Король Лев"

© Sputnik / Наталья АйриянЗоопарк
Зоопарк - Sputnik Хуссар Ирыстон
Рафыссын
Пятигорскаг зоопарк "Король лев"-ы вольертæй Цхинвалмæ фæуазæг уыдзæн 26 сырды

ЦХИНВАЛ, 19 авг — Sputnik, Плиты Фатимæ. Пятигорскаг зоопарк "Король лев"-ы æрцæдзæн Цхинвалмæ, æхсæзæм сентябрæй фæстæмæ балцгæнæг сырдты æрфысым кæндзæн столицæйы Вокзалгæрон фæзуат, фехъусын кодта Sputnik зоопаркы директор Артур Мусаелян.

Зоопарк æрбынат кæндзæн Цхинвалы æхсæзæм сентябрæй мæйы кæронмæ. Уый уыдзæн уазæг зоопаркы дыккаг æрцыд, уыдон Цхинвалы фыццаг хатт уыдысты ивгъуыд аз апрелы.

Ленингоры сидзæр сабитæн сарæзтой хæрзаудæн акци - Sputnik Хуссар Ирыстон
Зоопарк æмæ кафе: Ленингоры сидзæр сабитæн сарæзтой хæрзаудæн акци

"Ӕхæсæзæм сентябрæй фæстæмæ æртæ къуыри уыдзыстæм Цхинвалы. Ивгъуыд аз цы сырдтæ "æркодтам", уыдонæй дарддæр ма дзы фæзындзæн арсы лæппын æмæ ног домбайтæ. Уымæй дарддæр ма ацы хатт æрласдзыстæм сывæллæттæн батут, карусель æмæ чысыл паровоз", — загъта Артур Мусаелян.

Цхинвайлаг сабитæм æнхъæлмæ кæсы фембæлд домбайтæ, стайтæ, æрсытæ, бирæгътæ, рувæстæ, маймулитæ, страустæ æмæ пеликантимæ.

Зоопаркы директоры ныхæстæм гæсгæ, уыдон сидзæр сабитæн сарæздзысты хæрзаудæн акци.

"Ацы аз дæр та Сывæллæтты хæдзары хъомылгæнинæгтæ æнæаргъæй бацæудзысты зоопаркмæ æмæ аттракционтæм", - бафтыдта Артур Мусаелян.

Пятигорскаг зоопарк "Король лев"-ы вольертæй Цхинвалмæ фæуазæг уыдзæн æдæппæт 26 сырды.

Ног хабӕртты лентӕ
0