Хуссар Ирыстоны президент снысан кодта УУМ ног сӕргълӕууӕджы

© Sputnik / Диана КозаеваЦоциты Азӕмӕт
Цоциты Азӕмӕт - Sputnik Хуссар Ирыстон
Рафыссын
Республикӕйы президент цыппӕрӕмы базонгӕ кодта Министрады ног сӕргълӕууӕджы УУМ коллективӕн

ЦХИНВАЛ, 22 авг - Sputnik. Хуссар Ирыстоны Уӕлвӕткон уавӕрты министрады (УУМ) сӕргълӕууӕгӕй снысан кодтой уагдоны министры хӕдивӕг Цоциты Азӕмӕты, цыппӕрӕмы йӕ республикӕйы президент Бибылты Анатолий базонгӕ кодта коллективӕн.

"Ӕз аскъуыддзаг кодтон снысан кӕнын Цоциты Азӕмӕты уӕлвӕткон уавӕрты министрӕй. Ӕмбӕлгӕ барамынд бафыстӕуыд", - загъта президент уагдоны кусджытӕн.

© Пресс-служба президента РЮОХуссар Ирыстоны президент снысан кодта УУМ ног сӕргълӕууӕджы
Хуссар Ирыстоны президент снысан кодта УУМ ног сӕргълӕууӕджы - Sputnik Хуссар Ирыстон
Хуссар Ирыстоны президент снысан кодта УУМ ног сӕргълӕууӕджы

УУМ ног разамонӕг загъта бузныг президентӕн ӕууӕнчы тыххӕй. Уый фидарӕй загъта, алцыдӕр кӕй сараздзӕн службӕ фӕхуыздӕр кӕнынӕн ӕмӕ коллектив ӕрбаиу кӕнынӕн.

"Министры хӕдивӕджы бынаты ӕз мӕ цӕст дардтон УУМ куысты иу здӕхтмӕ. Ныр та мын уыдзӕн фылдӕр фадӕттӕ", - загъта уый.

Хицауады хæдзар - Sputnik Хуссар Ирыстон
Президент сæ бынæттæй ссæрибар кодта УУМ, Паддзахадон хъахъхъæнынад æмæ районы хистæрты

Хуссар Ирыстоны УУМ раздӕры сӕргълӕууӕг Тадтаты Аланы ссӕрибар кодтой йӕ бынатӕй, республикӕйы парламентмӕ йӕ кӕй равзӕрстой, уый тыххӕй. Уагдоны разамонӕджы хӕстӕ ныры онг ӕххӕст кодта министры фыццаг хӕдивӕг Бестауты Ацӕмӕз.

Цоциты Азӕмӕт райдыдта кусын 1987 азы Цхинвалы аварийон-ирвӕзынгӕнӕн службӕйы, уый фӕстӕ та зынгсирвӕзтты ныхмӕ паддзахадон службӕйы. Цоциты Азӕмӕт куыста зынгфӕдисонӕй, уый фӕстӕ та хайады хистӕр, инспектор ӕмӕ хистӕр инспекторӕй. Фӕстӕдӕр ӕй снысан кодтой министры хӕдивӕгӕй зынгсирвӕзтты ӕдасдзинад ӕмӕ граждайнаг хъахъхъӕнынады фадыджы.

Ног хабӕртты лентӕ
0