19:21 12 ЦЫППУРСЫ МÆЙ 2019
Комкоммӕ эфир
  • EUR70.43
  • USD63.23
Турнир шашкӕтӕй

Цхинвалы районы администраци рабӕрӕг кодта иууыл хуыздӕр шашистты

© Sputnik / Наталья Айриян
Хуссар Ирыстоны
Чысыл дӕнцӕг
13 0 0

Уӕлахиздзау командӕтӕ райстой кубоктӕ, сӕрмагонд уӕлахиздзауты та схорзӕхджын кодтой майдантӕ ӕмӕ грамотӕтӕй. Хицӕн призӕй схорзӕхджын кодтой республикӕйы Цхинвалы районы сӕргълӕууӕджы

ЦХИНВАЛ, 28 ноя — Sputnik, Гӕбӕраты Элина. Хуссар Ирыстоны ацыд турнир уырыссаг шашкӕтӕй Цхинвалы районы администрацийы хайӕдты хсӕн. Фыццаг командон бынатыл ацыд финансон хайад, дыккагыл та ахуырады районон хайады командӕ, цытджын ӕртыккаг бынат райста районы мидхъуыддӕгты хайад.

Турнир по русским шашкам среди отделов администрации Цхинвальского района
© Sputnik / Элина Габараева
Турнир уырыссаг шашкӕтӕй Цхинвалы районы администрацийы хайӕдты хсӕн

Турниры хайад райстой авд командӕйы. Фӕсивӕд ӕмӕ спорты фӕдыл хайады хистӕр Тъуриты Тенгиз куыд радзырдта, афтӕмӕй ерыстӕ ацыдысты аккаг ӕмвӕзадыл.

"Тӕрхонгӕнджыты сконды уыдысты Лолоты Борис, Тедеты Вадим ӕмӕ Хъӕцмӕзты Лидия. Турнир сорганизаци кӕнынӕн нын баххуыс кодта районы сӕргълӕууӕг, ӕмӕ йын уый тыххӕй стыр бузныг", - банысан кодта Тъуриты Тенгиз.

Уӕлахиздзауты хорзӕхджын кодта районы администрацийы сӕргълӕууӕг Мамыттаты Вахтанг. Уый дзырд радта, турнир кӕй суыдзӕн егъау ӕмӕ ӕрвылазон спортивон цау.

Турнир по русским шашкам среди отделов администрации Цхинвальского района
© Sputnik / Элина Габараева
Турнир уырыссаг шашкӕтӕй Цхинвалы районы администрацийы хайӕдты хсӕн

Командӕтӕ райстой кубоктӕ, сӕрмагонд уӕлахиздзауты та схорзӕхджын кодтой майдантӕ ӕмӕ грамотӕтӕй. Хицӕн призӕй схорзӕхджын кодтой Мамыттаты Вахтангы. Хуссар Ирыстоны 2014 азы энтузиасттӕ сарӕзтой Шахматтӕ ӕмӕ шашкӕты федераци. Иу азы фӕстӕ организаци адих ис дыууӕ федерацийыл – шашкӕтӕ ӕмӕ шахмӕттыл.

Сӕйраг темӕтӕ