Къуаиса, Цхинвал æмæ Бузалайы: Хуссар Иры реконструкци æрцæудзысты хидтæ

© Sputnik / Наталья АйриянХид
Хид - Sputnik Хуссар Ирыстон
Рафыссын
Хидтæ горæт Къуаиса æмæ Бузалайы хъæумæ фæндæгтыл æмæ столицæйы мидæг арæзт цæудзысты 2020-2022 æзты инвестицион нывæзты фæлгæтты, хицæн сын цæуы 400 милуан сомæй фылдæр

ЦХИНВАЛ, 17 янв – Sputnik, Плиты Фатимæ. Хуссар Ирыстоны инвестицион нывæзты фæлгæтты реконструкци æмæ арæзт æрцæудзæн æртæ хиды, фехъусын кодтой Sputnik арæзтады министрады пресс-службæйы.

"Леуахийы сæрты зæронд хиды арæзтадæн, кæцыйæн йæ дæргъ у 44 метры, хицæн æрцæудзæн 147 милуан сомы, куыстытæ балхынцъ уыдзысты 2021 азы. Хид ис историон цыртдзæвæнты нымæцы, уымæ гæсгæ бахъахъхъæндзæн йе ʻддаг хуыз, фæлæ æрцæудзæн уæрæхгонд", - загътой пресс-службæйы.

Ноджы ма дыууæ хид та арæзт æрцæудзысты Дзауы районы.

Плиты Иссæйы уынг. - Sputnik Хуссар Ирыстон
Хуссар Иры азы дæргъы сцалцæг кæндзысты 8 уынджы

"Трассæ Гуфта–Къуайсайыл уæвæг хид дæр арæзт æрцæудзæн, хицæн ын цæуы 147 милуан сомы, йæ дæргъ у 60 метры, арæзтад цæудзæн 2022 азмæ. Инвестицион нывæзты фæлгæтты арæзт хид ма сбæтдзæн Бузалайы хъæу Дзауимæ. Ацы объект лæууы 115 милуан сомы, йæ дæргъ у 92 метры. Амад цæудзæн 2021 азмæ", - балхынцъ кодтой уым.

Хидтæ горæт Къуаиса æмæ Бузалайы хъуæмæ фæндæгтыл æмæ столицæйы мидæг арæзт цæудзысты 2020-2022 æзты инвестицион нывæзты фæлгæтты, хицæн сын цæуы 400 милуанæй фылдæр.

Ног хабӕртты лентӕ
0