Цхинвалы фӕивар кодтой ӕртӕ дуканийы хицӕутты карантины режим фехалыны тыххӕй

© МВД РЮОЦхинвалы фӕивар кодтой ӕртӕ дуканийы хицӕутты карантины режим фехалыны фӕдыл
Цхинвалы фӕивар кодтой ӕртӕ дуканийы хицӕутты карантины режим фехалыны фӕдыл - Sputnik Хуссар Ирыстон
Рафыссын
Милицийы кусджытӕ ӕрвылбон сӕ цӕст дарынц Хуссар Ирыстоны карантинон мадзӕлттӕ ӕмӕ хисӕрмагонд изоляцийы режим ӕххӕст кӕнынмӕ

ЦХИНВАЛ, 15 апр - Sputnik. Милицийы кусджытӕ рейдты рӕстӕджы сбӕрӕг кодтой карантины режимы фехӕлдтӕ ӕртӕ дуканийы Цхинвалы, хъусын кӕны республикӕйы Мидхъуыддӕгты министрады (МХМ) пресс-службӕ. Дуканиты хицӕутты ныхмӕ сарӕзтой административон протоколтӕ, кӕцытӕ барвыстой Югосетпотребнадзоры комитетмӕ.

"Цӕрджыты санитарон-эпидемиологон хӕрзвадаты фадыджы законад фехалыны фӕдыл фӕткхалджыты ӕрбаздахдзысты административон бӕрнмӕ", - банысан кодтой уагдоны.

Барадхъахъхъӕнӕг органты кусджытӕ, хицауады уынаффӕмӕ гӕсгӕ, ӕрвылбон уадзынц рейдон мадзӕлттӕ Хуссар Ирыстоны коронавирусы апарахат ма ‘руадзыны нысанӕн, сӕйраджыдӕр, сӕ цӕст дарынц карантинон мадзӕлттӕ ӕмӕ хисӕрмагонд изоляцийы режим ӕххӕст кӕнынмӕ.

Ногдзауты парк - Sputnik Хуссар Ирыстон
Хуссар Иры адарддӕр кодтой карантин ӕхсӕнадон бынӕтты 20 апрелы онг

Амӕйразмӕ президент Бибылты Анатолий расидт 8-ӕй 20-ӕм апрельмӕ ӕнӕкусӕгон бонтӕ. Республикӕйы хицауад бакодта уӕлӕмхасӕн карантинон мадзӕлттӕ республикӕйы коронавирусы апарахат ма ‘руадзыны нысанӕн. Уӕрӕсеимӕ арӕн сӕхгӕдтой 1 майы онг. Марты республикӕйы къухдариуӕгад фехъусын кодта Гуырдзыстонимӕ паддзахадон арӕны сӕхгӕды тыххӕй. Республикӕйы ӕхгӕд сты ахуырадон уагдӕттӕ ӕмӕ ӕхсӕнадон бынӕттӕ. Кусынц ӕрмӕстдӕр хӕлцадон дуканитӕ ӕмӕ афтектӕ.

Ног хабӕртты лентӕ
0