Хуссар Иры МХМ кусджытӕн бафиддзысты сӕ мыздты хӕстӕ азы райдайӕнӕй фӕстӕмӕ

© Sputnik / Наталья АйриянРХИ МХМ
РХИ МХМ - Sputnik Хуссар Ирыстон
Рафыссын
МХМ сӕргълӕууӕг Наниты Игорь куыд банысан кодта, афтӕмӕй документ бафыссыны процедурӕ ис кӕронбӕттӕн стадийы

ЦХИНВАЛ, 23 апр - Sputnik. Хуссар Ирыстоны Мидхъуыддӕгты министрады (МХМ) кусджытӕн райсдзысты ӕххӕст бӕрцуаты январӕй фӕстӕмӕ сын цы нӕ бафыстой, уый. Уый тыххӕй фехъусын кодта республикӕйы МХМ сӕргълӕууӕг Наниты Игорь, хъусын кӕны уагдоны пресс-службӕ.

"МХМ материалон-техникон ифтонгад фӕфылдӕр кӕныны нысанӕн 2020-2022 ӕзтӕм хуссарирыстойнаг ӕмӕ уӕрӕсейаг фарсытӕ аразынц Протоколы проект бадзырдмӕ, кӕцы бафыстой 2017 азы 14 ноябры Мӕскуыйы", - загъта Наниты Игорь.

Документы ӕмгъуыд фӕцис 2019 азы 31 декабры. Протокол хорзыл банымадтой куыд Хуссар Ирыстоны, афтӕ Уӕрӕсейы дӕр.

Наниты Игорь банысан кодта, ныртӕккӕ республикӕ ӕмӕ МХМ къухдариуӕгад кусы Протокол бафыссыны фарстыл.

МХМ сӕргълӕууӕджы ныхӕстӕм гӕсгӕ, Протокол бафыссынимӕ зындзинӕдтӕ фӕзындысты коронавирусон инфекцийы апарахат ӕмӕ карантинон мадзӕлтты тыххӕй.

Ног хабӕртты лентӕ
0