Югосетпотребнадзор фехъусын кодта COVID-19-ӕй фондз ног фӕрынчынуӕвӕджы тыххӕй

© Sputnik / Natalia Airiyan Цхинвалы рынчындон
Цхинвалы рынчындон - Sputnik Хуссар Ирыстон
Рафыссын
Вирус сбӕрӕг кодтой УФ ӕфсӕддон ахуырадон уагдӕтты цыппар курсантӕн ӕмӕ сылгоймагӕн, кӕцы ӕрӕджы ӕрыздӕхт Уӕрӕсейӕ

ЦХИНВАЛ, 14 май - Sputnik, Козаты Диана. Хуссар Ирыстоны сбӕрӕг кодтой ноджы фондз адӕймаджы, кӕцытӕ фӕрынчын сты коронавирусӕй. 14 майы бӕрӕггӕнӕнтӕм гӕсгӕ, фӕрынчынуӕвджыты нымӕц у 30, загъта Sputnik Югосетпотребнадзоры комитеты сӕрдары хӕдивӕг Гаглойты Анна.

"Мах сбӕрӕг кодтам COVID-19-ӕй фондз ног фӕрынчынуӕвӕджы. Медицинон хъусдарды бын сты 279 адӕймаджы", - загъта Гаглойты Анна.

Вирус сбӕрӕг кодтой УФ ӕфсӕддон ахуырадон уагдӕтты цыппар курсантӕн ӕмӕ сылгоймагӕн, кӕцы ӕрӕджы ӕрыздӕхт Уӕрӕсейӕ. Иумӕйагӕй республикӕйы ауагътой фондз сӕдӕ тестӕй фылдӕр.

Тотчиты Георгий - Sputnik Хуссар Ирыстон
Хуссар Иры ӔХМ сӕргълӕууӕг радзырдта COVID-19-ӕй рынчынты уавӕры тыххӕй

Хуссар Ирыстон 6 майы онг ӕнтыстджынӕй тох кодта республикӕмӕ коронавирусон инфекцийы ӕрбахызтимӕ. Марты кӕрӕттӕй ӕхгӕд сты ахуырадон уагдӕттӕ, тобӕ сӕвӕрдтой адӕмы массон ӕмбырдтыл ӕмӕ автотранспорты змӕлдыл.

Уӕрӕсеимӕ арӕны уылты хизыныл тобӕ сӕвӕрдтой 5 апрелы ӕмӕ адарддӕр уыдзӕн 31 майы онг, кӕронмӕ ӕхгӕд у республикӕйы арӕн Гуырдзыстонимӕ.

Ног хабӕртты лентӕ
0