ЦХИНВАЛ, 21 май — Sputnik, Плиты Фатимæ. Хуссар Ирыстонмӕ ӕрыздӕхт курсантты къорд, кӕцытӕ ахуыр кӕнынц Уӕрӕсейы зынгсирвӕзты службӕйы паддзахадон академийы УУМ хаххыл. Курсантты къорд ӕрцыд сфидаргонд схемӕмӕ гӕсгӕ, фехъусын кодтой Sputnik уӕлвӕткон уагдоны пресс-службӕйы.
"Пандеми ивындзинӕдтӕ бахаста ахуыры процессмӕ, ахуыр ракодтой дистанцион форматмӕ, студенттӕ та здӕхынц сӕ хӕдзӕрттӕм. Курсанттӕ ӕрцыдысты сфидаргонд схемӕмӕ гӕсӕ, патрулон хӕдтулгӕимӕ ӕмӕ ӕппӕт домӕнтӕ ӕххӕстгӕнгӕйӕ", - загъта уагдоны пресс-секретарь Тедеты Роза.
Йӕ ныхӕстӕм гӕсгӕ, студенттӕ уыдзысты медикты хъусдарды бын.
"Дыууӕ къуыри уыдон уыдзысты карантины, сисдзысты сын анализтӕ. Кӕд дзы искӕмӕн фӕзына низы симптомтӕ, уӕд та тесттӕ сараздзысты уайтагъд. Кӕд карантины кӕронмӕ, се хсӕн рынчынтӕ нӕ разына,уӕд сӕ ауадзысты сӕ хӕдзӕрттӕм", - бафтыдта пресс-секретарь.
